Iralaud 18
Kaudiahl kohieng Soukohp Sosep Smith, Oliver Cowedery, oh David Whitmer, alahldi nan Fayette, New York, Suhn 1829. Nin duwen Soukohpo eh mahsanih, kaudiahl wet kasalehda “malipilipdahn wahnparon ehkrimen en imwin rahn akan, oh pil kaweid kan me pid duwen kaukauwadahn Mwomwohdiso.”
1–5, Pwuhksarawi kan kasalehda mwomwen kokoudahn Mwomwohdiso; 6–8, Sampah wie doandoarala nan wiewia suwed; 9–16, Kesempwal en aramas akan me lap; 17–25, Aramas akan anahne alehda mwaren Krais pwe irail en kak komourla; 26–36, Malipilip oh pwukoan Ehkriemeno kasansalda; 37–39, Oliver Cowdery oh David Whitmer en rapahkihda Ehkriemeno; 40–47, Aramas akan anahne koluhla, papidaisla, oh kapwaiada kosonned akan pwe irail en kak komourla.
1 Eri, kilang, I kihong uhk mahsen pwukat nei sounpapah, Oliver Cowder, pwehki ahmw men inangih esehla sang rehi soahng wet:
2 Kilang, I kasalehionguhk pak tohto sang ni Ngehnio me soahng kan me ke ntintingihdi mehlel; eri ke wehwehki me re mehlel.
3 Oh ma ke ese me re mehlel, kilang, I kihonguhk kosonned ehu, me ke pahn koapworopworiki soahng kan me ntingdi;
4 Pwe soahng koaros ntingdi loale duwen poahson en ei mwomwohdiso, ei rongamwahu, oh ei paipalap.
5 Eri, ma kumwail pahn kawada ei mwomwohdiso, pohn poahsoan en ei rongamwahu oh ei paipalap, ewen kehl en ehl sohte pahn powehdi kumwail.
6 Kilang, sampah wie doandoaralahr nan wiewia suwed; oh e pahn konehng aramas akan en mwekmwekidki arail koluhla, koaros Mehn Liki oh pil peneinei en Israel.
7 Eri, n ahmw pahn papidaisla sang ni pehn nei sounpapah Sosep Smith, Jun., nin duwen ei mahsanihong ih, e pahn kapwaiadahr dahme I mahsanihong ih.
8 Oh met, kumwail dehr pwuriamwei ki ei malipehiong ih en wia ei koasondi kan, me ngehi me ketin mwahngih; eri, ma ke pahn pwersekiong kapwaiada ei kosonned akan e pahn kapaida ong mour soutuk; oh ede iei Sosep.
9 Oh met, kumwail dehr pwuriamwei ki ei malipehiong ih en wia ei koasondi kan, me ngehi me ketin mwahngih; eri, ma ke pahn pwersekiong kapwaiada ei kosonned akan e pahn kapaida ong mour soutuk; oh ede iei Sosep.
10 Tamataman me palingenen aramas koaros kesempwal mehlel mwohn sihlangin Koht;
11 Pwe kilang, Kauno amwail Soundoar lokolongki mehla nan paliwar; eri e lokolongki medek en aramas koaros, pwe aramas koaros en kak koluhla oh kohdo reh.
12 Oh e ketin iasadahsang mehla, pwe en kak ketin kihpene aramas koaros reh, sang ni ar koluhla.
13 Oh ia uwen peren laud me e pahn ahneki ong aramas emen me koluhla!
14 Eri, kumwail malipilipda en kalohngki koluhla ong aramas akat.
15 Oh ma kumwail pahn doadoahk nan ahmwail rahn akan koaros ni ahmwail pahn kalkalohngki koluhla ong aramas akat, oh wahdo, aramas emente rehi, ia uwen peren laud me kumwail pahn ahneki nan wehin Semeio!
16 Eri, ma ahmwail peren pahn laud pwehki aramas emeno me kumwail wahdo rehi nan wehin Semeio, a e pahn ia uwen peren laud me kumwail pahn ahneki ma kumwail pahn wahdo aramas tohto rehi!
17 Kilang, kumwail kolokol ei rongamwahuo mwohmwail, oh ei paipalap, oh ei komour.
18 Peki rehn Sahmo ni mwarei sang ni pwoson, kamkamehlele me kumwail pahn alehdi, oh me kumwail pahn alehdi Ngehn Sarawi, me pahn kasalehiong aramas akan soahng koaros me konehng.
19 Oh ma kumwail sohte pahn ahneki pwoson, koapwoaroapwoar, oh limpoak unsek, kumwail sohte kak wia mehkot.
20 Kumwail dehr akamai ong mwomwohdisoh, ihte mwomwohdisohn tepelo.
21 Kumwail alehda mwaren Krais, oh padahngki mehlel ni wehwe.
22 Oh koaros me koluhla oh papidaisla ni mwarei, me iei Sises Krais, oh dadaurete lel imwi, aramaso pahn komourla.
23 Kilang, Sises Krais iei mwaro me Sahmo ketikidohr, oh sohte ehu mwar tohrohr me me aramas pahn kak komourkihla;
24 Eri, aramas koaros alehda mwaro me Sahmo ketikidohr, pwe sang ni mwaro re pahn malipilipki ni imwin rahno;
25 Eri, ma irail sohte ese mwaro me irail pahn malipilipki, e sohte pahn mie dewerail nan wehin Semeio.
26 Eri, kilang, mie ekei me malipilipdahr en kalohngki ei rongamwahu, ong Mehn Liki kan oh pil ong mehn Suhs;
27 Iei, ehkriemeno; oh Ehkriemeno pahn wia nei tohnpadahk kan, oh re pahn alehda mwareio; oh Ehkriemeno iei irail me pahn inangih alehda mwarei sang nan mohngiong unsek.
28 Oh ma irail pahn inangih en alehda mwarei sang nan mohngiong unsek, irail pahn malipilip en kohla nan sampah pwon oh kalohngki ei rongamwahu ong aramas koaros.
29 Oh irail iei me I kasarawilahr ong ie sang ni papidais ni mwarei, nin duwen dahme ntingdier;
30 Oh kumwail kolokol dahme ntingdi mwohmwail; eri, kumwail anahne kapwaiada nin duwen mahsen akan me ntingdier.
31 Oh met I koasoi ong kumwail, Ehkriemen—Kilang, ei kalahngan me itar ong kumwail; kumwail anahne weweid ki mour pwung mwohi oh dehr wiahda dihp.
32 Oh, kilang, kumwail iei me I kasarawilahr me pahn uhd kasarawih samworo kan oh sounpadahk kan; pwe en kalohngki ei rongamwahu, nin duwen manaman en Ngehn Sarawi me mih rehmwail, oh nin duwen malipilip kan oh kisakis kan en Koht ong aramas akan;
33 Oh ngehi, Sises Krais, amwail Kaun oh amwail Koht, me ketin mahsaniher.
34 Mahsen pwukat kaidehn ehn aramas akan de aramas men, ahpw ahi; eri, kumwail pahn kadehdehki me e sang rehi oh kaidehn ehn aramas;
35 Pwe iei pein ngehi me mahmahsanihong kumwail; pwe e kohwei sang ni ei Ngehno ong kumwail, oh sang ni ei manaman kumwail kak wadekpene; oh ma kaidehn ei manaman kumwail sohte kak alehdi;
36 Eri, kumwail kak kadehdehdi me kumwail rongehr ei mahsen, oh ese ei mahsen akan.
37 Oh met, kilang, I kihonguhk, Oliver Cowdery, oh ong David Whitmer, me kumwa pahn rapahkihda Ehkriemen, me pahn ahneki ineng kan nin duwen ei mahsaniher;
38 Oh sang ni arail ineng kan oh arail doadoahngkan kumwail pahn ese irail.
39 Oh ahnsou me kumwail pahn diar irail kumwail pahn kasalehiong irail mepwukat.
40 Oh kumwail pahn poaridi oh pwongih Sahmo ni mwarei.
41 Oh kumwail pahn kalohk ong sampah, ndinda: Kumwail anahne koluhla oh papidaisla, ni mwaren Sises Krais;
42 Pwe aramas koaros anahne koluhla oh papidaisla, oh kaidehnte ohl akan, ahpw pil lih akan, oh seri kan me lelehr sounpar en wehwehki arail pwukoa.
43 Oh met, mwurin amwail pahn alehdier met, kumwail anahne kapwaiada ei kosonned akan nan mehkoaros;
44 Oh sang nan pehmwail kan I pahn wia doadoahk kapwuriamwei rehn aramas akan, ong kasalehiong aramas tohtoh diparail akan, pwe irail en kohdo koluhla, oh me irail en kak kohdo nan wehin Semeio.
45 Eri, kapai kan me I kihong kumwail mih pohnangin soahng koaros.
46 Oh mwurin amwail pahn alehdi met, ma kumwail sohte pahn kapwaiada ei kosonned akan kumwail sohte pahn komourla nan wehin Semeio.
47 Kilang, ngehi, Sises Krais, amwail Kaun oh amwail Koht, oh amwail Soundoar, sang I mahsaniher sang ni manaman en Ngehno. Ahmen.