Գլուխ 59
Սավուղը սովորում է Հիսուսի մասին
Հանկարծ երկնքից մի պայծառ լույս շրջապատեց նրան: Նա ընկավ գետնին: Ապա Սավուղը լսեց Հիսուսի ձայնը, որը նրան հարցրեց, թե ինչու էր նա ուզում վնասել Սրբերին: Սավուղը վախեցավ: Նա Հիսուսին հարցրեց, թե ինչ պետք է աներ: Փրկիչն ասաց Սավուղին, որ գնա Դամասկոս: Այնտեղ Սավուղին կասվեր, ինչ պետք է անել:
Սավուղը բացեց իր աչքերը, սակայն չկարողացավ տեսնել: Նա կույր էր: Ընկերները նրան տարան Դամասկոս:
Դամասկոսում ապրում էր Անանիա անունով մի մարդ, որը Հիսուս Քրիստոսի աշակերտն էր: Տեսիլքի միջոցով Հիսուսը Անանիային ասաց, որ գնա Սավուղի մոտ:
Անանիան քահանայություն ուներ: Նա իր ձեռքերը դրեց Սավուղի գլխին և օրհնեց նրան, որպեսզի վերականգնվեր նրա տեսողությունը: Բուժվելուց հետո Սավուղը մկրտվեց և ստացավ Սուրբ Հոգու պարգևը:
Սավուղը փոխեց իր անունը Պողոսի: Նա կանչվեց որպես Առաքյալ: Նա դարձավ Եկեղեցու միսիոներ: Նա շատ նամակներ գրեց: Նա գնաց տարբեր երկրներ և ուսուցանեց ավետարանը: