Գլուխ 53
Հիսուսը խաչվում է
Շատ մարդիկ հետևեցին զինվորներին, որոնք Հիսուսին տարան մի բլուր՝ Երուսաղեմի մոտ: Նրանք ստիպեցին, որ Նա տաներ Իր խաչը: Նրանք մեխեցին Նրա ձեռքերը և ոտքերը խաչին և բարձրացրեցին այն: Նրանք խաչեցին նաև երկու այլ տղամարդկանց, որոնք գողեր էին:
Հիսուսը աղոթեց: Նա խնդրեց Երկնային Հորը ներել Իրեն խաչող զինվորներին: Նրանք չգիտեին, որ Նա Փրկիչն էր:
Մարիամը, Հիսուսի մայրը, կանգնած էր խաչի մոտ: Այնտեղ էր նաև Հովհաննես Առաքյալը: Հիսուսը Հովհաննեսին ասաց, որ հոգ տանի Իր մոր համար: Հովհաննեսը Հիսուսի մորը տարավ իր տուն:
Խավարը ծածկեց երկիրը: Փրկիչը երկար ժամեր տանջվեց խաչի վրա: Վերջապես Նրա հոգին հեռացավ Նրա մարմնից, և Նա մահացավ:
Երբ Նա մահացավ, երկրաշարժ սկսվեց, որը մեծ ժայռերը կտոր-կտոր արեց: Տաճարի վարագույրը երկու մասի ճեղքվեց: Հռոմեացի զինվորները վախեցել էին:
Հիսուսի աշակերտներից մեկը իջեցրեց Փրկչի մարմինը խաչի վրայից: Նա այն կտորով փաթաթեց և դրեց գերեզմանի մեջ, որտեղ մարդկանց էին թաղում: Գերեզմանի դռան առաջ մի մեծ քար դրեցին: