Գլուխ 55
Առաքյալները ղեկավարում են Եկեղեցին
Նա նրանց ասաց, որ ուսուցանեն ավետարանը բոլոր մարդկանց: Նա նաև ասաց. Որ շուտով գնալու է, բայց Սուրբ Հոգին կգա և կօգնի նրանց:
Առաքյալները տեսան, ինչպես Հիսուսը բարձրացավ ամպերի մեջ: Երկու հրեշտակ սպիտակ շորերով ասացին Առաքյալներին, որ Հիսուսը մի օր երկնքից կիջնի:
Առաքյալները դարձան երկրի վրա Հիսուս Քրիստոսի Եկեղեցու ղեկավարները: Պետրոսը Նախագահն էր, իսկ Հակոբոսը և Հովհաննեսը նրա խորհրդականները:
Մատթեոս ԺԶ.18-19; Վարդապետություն և Ուխտեր 81.1-2; Հիսուս Քրիստոս 219–20
Կար միայն տասնմեկ Առաքյալ, Հուդան մահացել էր: Երկնային Հայրը Առաքյալներին ասաց, որ ընտրեին Մատաթիային որպես Տասներկու Առաքյալներից մեկը: Բոլոր Առաքյալները քահանայության հատուկ կոչում ունեին:
Առաքյալները և մյուս աշակերտները հավատ ունեին Տիրոջ հանդեպ: Նրանք հնազանդվում էին Նրա պատվիրաններին: Նրանք սիրում էին միմյանց:
Քահանայության և Սուրբ Հոգու զորությամբ Առաքյալները շատ բաներ կարող էին անել: Նրանք բուժում էին հիվանդներին և միսիոներներ էին: Նրանք ուսուցանում էին Հիսուս Քրիստոսի և Նրա ավետարանի մասին: Շատ մարդիկ հավատացին Առաքյալների խոսքերին և միացան Եկեղեցուն: Եկեղեցու անդամները կոչվում էին Սրբեր: