Գլուխ 5
Հիսուս Քրիստոսը ծնվեց
Մարիամի համար հեշտ չէր ճանապարհորդել Բեթլեհեմ: Նրա երեխան պետք է շուտով ծնվեր:
Երբ Հովսեփը և Մարիամը հասան Բեթլեհեմ, բոլոր սենյակները զբաղված էին մարդկանցով: Մարիամը և Հովսեփը ստիպված էին մնալ ախոռում: Ախոռը մի տեղ է, որտեղ պահում են կենդանիներին:
Այնտեղ էլ երեխան ծնվեց: Մարիամը Նրան փաթաթեց կտորների մեջ և դրեց մսուրի մեջ: Հովսեփը և Մարիամը իրենց երեխայի անունը դրեցին Հիսուս:
Այն գիշեր, երբ ծնվեց Հիսուսը, հովիվները արածացնում էին իրենց ոչխարներին Բեթլեհեմի կողքի դաշտերում: Մի հրեշտակ հայտնվեց նրանց: Հովիվները վախեցան:
Հրեշտակը նրանց ասաց, որ չվախենան: Նա հիանալի լուր ուներ. Փրկիչը՝ Հիսուս Քրիստոսը, ծնվել էր Բեթլեհեմում: Նրանք կարող էին գտնել Նրան մսուրի մեջ պառկած:
Հովիվները գնացին Բեթլեհեմ, որտեղ տեսան մանուկ Հիսուսին:
Հովիվները ուրախ էին, որ տեսան Փրկչին: Նրանք մյուս մարդկանց պատմեցին իրենց լսածի ու տեսածի մասին: