Գլուխ 43
Հիսուսը կենդանացնում է Ղազարոսին
Ղազարոսը ծանր հիվանդացավ: Փրկիչը մեկ այլ քաղաքում էր: Մարիամը և Մարթան Նրան լուր ուղարկեցին Ղազարոսի հիվանդության մասին:
Փրկիչն Իր աշակերտներին խնդրեց Իր հետ գնալ Ղազարոսին օգնելու: Աշակերտները վախեցան գնալ Բեթանիա: Այն Երուսաղեմին մոտ էր: Երուսաղեմում կային մարդիկ, որոնք ուզում էին սպանել Հիսուսին:
Հիսուսն Իր աշակերտենրին ասաց, որ Ղազարոսը մահացել է: Նա ասաց, որ կկենդանացնի նրան: Այդ հրաշքը պետք է օգներ աշակերտներին իմանալ, որ Նա Փրկիչն էր: Հիսուսը գնաց Բեթանիա: Երբ Նա հասավ այնտեղ, Ղազարոսը չորս օր արդեն մահացած էր:
Մարթան Հիսուսին ասաց, որ Ղազարոսը կենդանի կլիներ, եթե Նա ավելի շուտ գար: Հիսուսն ասաց, որ Ղազարոսը նորից կապրի: Նա հարցրեց, թե արդյոք Մարթան հավատում էր Իրեն: Մարթան ասաց, որ հավատում է: Նա գիտեր, որ Հիսուսը Փրկիչն էր:
Մարթան թողեց Հիսուսին և գնաց գտնելու իր քրոջը՝ Մարիամին: Մարիամը նույնպես եկավ տեսնելու Հիսուսին: Շատ մարդիկ հետևեցին նրան: Մարիամը լաց լինելով ծնկի իջավ Փրկչի ոտքերի մոտ: Նրա հետ գտնվող մարդիկ նույնպես լաց էին լինում: Հիսուսը հարցրեց, թե որտեղ էր Ղազարոսի մարմինը:
Հիսուսը գնաց քարանձավ, որտեղ թաղված էր Ղազարոսը: Քարանձավի առաջ քար կար: Նա ասաց մարդկանց, որ տեղափոխեն քարը:
Հիսուսը նայեց վեր: Նա շնորհակալություն հայտնեց Երկնային Հորը Իր աղոթքները լսելու համար:
Ապա, բարձր ձայնով, Հիսուսը Ղազարոսին ասաց, որ վեր կենա և դուրս գա քարանձավից: Ղազարոսը դուրս եկավ: Շատ մարդիկ, ովքեր տեսան հրաշքը, սկսեցին հավատալ, որ Հիսուսը Փրկիչն էր: