Գլուխ 17
Զայրացած մարդիկ Նազարեթում
Հիսուսը գնաց ժողովարան, մի շենք, որտեղ հրեաները եկեղեցի էին գնում: Նա կանգնեց և սկսեց կարդալ սուրբ գրություններից: Նա կարդաց մարգարե Եսայիայի խոսքերից: Եսայիան ասել էր, որ Փրկիչ է գալու երկիր և օգնելու է մարդկանց:
Երբ Հիսուսը փակեց սուրբ գրությունները և նստեց, բոլոր մարդիկ նայեցին Նրան:
Հիսուսն ասաց, որ Եսայիայի խոսքերը Իր մասին էին, որ Ինքն էր Փրկիչը: Մարդիկ զարմացան, լսելով Նրա խոսքերը: Նրանք ասացին. «Չէ՞ որ սա Հովսեփի որդին է»: Նրանք չհավատացին, որ Հիսուսը Աստծո Որդին էր:
Փրկիչը գիտեր, թե ինչ էին նրանք մտածում: Նրանք ուզում էին, որ Նա հրաշքներ գործեր: Սակայն Հիսուսը նրանց ասաց, որ Նա հրաշքներ չի կատարի նրանց համար, քանի որ նրանք հավատք չունեին Իր հանդեպ:
Դա զայրացրեց մարդկանց: Նրանք Հիսուսին տարան բլրի գագաթ և ուզեցին գցել այնեղից:
Հիսուսը փախչեց նրանցից և գնաց ուրիշ քաղաք: