Գլուխ 38
Փարիսեցին և մաքսավորը
Երկու տղամարդ գնացին տաճար աղոթելու: Մեկը փարիսեցի էր: Մյուսը՝ մաքսավոր, որ նշանակում է՝ հարկ հավաքող: Մարդիկ չէին սիրում հարկ հավաքողներին: Նրանք հարկ հավաքողներին համարում էին ոչ ազնիվ:
Փարիսեցին կանգնեց բոլորից առաջ, որպեսզի աղոթեր: Նա շնորհակալություն հայտնեց Աստծուն նրա համար, որ ինքն ավելի լավն էր, քան մյուս մարդիկ: Նա ասաց, որ ծոմ էր պահել շաբաթը երկու անգամ և վճարել էր իր տասանորդը: Մաքսավորը առանձին կանգնեց, կախեց գլուխը և աղոթեց. «Ով Աստված, ողորմիր ինձ, մեղավորիս»:
Փարիսեցին կարծում էր, թե կատարյալ էր և Աստծո օգնության կարիքը չուներ: Իսկ մաքսավորը գիտեր, որ կատարյալ չէր և ուներ Աստծո օգնության կարիքը: Նա խոնարհ էր և խնդրում էր Աստծուն ներել իրեն:
Հիսուսն ասաց, որ մարդիկ պետք է նմանվեն մաքսավորին: Նրանք չպետք է մտածեն, թե մյուսներից ավելի լավն են: Նրանք պետք է ապաշխարեն իրենց մեղքերից և խնդրեն Աստծուն ներել իրենց: