Նոր Կտակարանից հետո
Ամբարիշտ մարդիկ ցանկանում էին փոխել պատվիրանները: Որոշ Սրբեր լսում էին նրանց: Շատերը այլևս չէին հավատում Հիսուսին և չէին հետևում Նրա պատվիրաններին:
Առաքյալները և Սրբերից շատերը սպանվեցին: Ոչ ոք չմնաց, որ ղեկավարեր Եկեղեցին: Քահանայության բանալիները վերցվեցին երկրի վրայից: Մարդիկ չունեին մարգարեներ, որոնք կարող էին առաջնորդել նրանց: Հիսուս Քրիստոսի Եկեղեցին այլևս գոյություն չուներ երկրի վրա: Պետրոս և Պողոս Առաքյալները ասում էին, որ այդպես պետք է լիներ:
Մատթեոս ԻԳ.34; ԻԴ.8–10; Հռովմայեցիս Ը.36; 1 Կորնթացիս Դ.9-13; 1 Պետրոս Դ.12; Հիսուս Քրիստոս 745–46
Անցան դարեր: Կային տարբեր եկեղեցիներ: Դրանցից ոչ մեկը չուներ Առաքյալներ կամ Աստծո քահանայություն: Եկեղեցիներից ոչ մեկը Հիսուս Քրիստոսի Եկեղեցին չէր: Սակայն մարգարեները ասում էին, որ շատ տարիներ անց Հիսուս Քրիստոսի Եկեղեցին կրկին կվերադառնա երկիր:
1820թ. Ջոզեֆ Սմիթ անունով մի տղա ցանկացավ իմանալ, թե որն էր Հիսուս Քրիստոսի Եկեղեցին: Նա գնաց իր տան մոտ գտնվող անտառը և աղոթեց: Նա խնդրեց Աստծուն իրեն ասել, թե որ եկեղեցին էր ճշմարիտ:
Երկնային Հայրը և Հիսուս Քրիստոսը այցելեցին Ջոզեֆ Սմիթին: Փրկիչն ասաց, որ Ջոզեֆը չպետք է միանար ոչ մի եկեղեցու, որովհետև դրանցից ոչ մեկը Իր Եկեղեցին չէր:
Աստված որոշել էր Ջոզեֆ Սմիթի միջոցով ետ բերել Հիսուս Քրիստոսի Եկեղեցին երկիր: Աստված հրեշտակներ ուղարկեց, որ Ջոզեֆ Սմիթին քահանայություն տային: Նա օգնեց Ջոզեֆին թարգմանել Մորմոնի Գիրքը: 1830թ. ապրիլի 6-ին Հիսուս Քրիստոսի Եկեղեցին կրկին կազմակերպվեց երկրի վրա:
Ինչպես Հիսուսը ընտրեց Տասներկու Առաքյալներին, երբ երկրի վրա էր, Աստված օգնեց Ջոզեֆ Սմիթին ընտրել Տասներկու Առաքյալներ, որոնք պետք է օգնեին իրենց ղեկավարել Եկեղեցին: Այդ տղամարդկանց տրվեց ավետարանը ուսուցանելու և հրաշքներ գործելու զորություն:
Հիսուսը ցանկանում է, որ բոլորը իմանան Իր Եկեղեցու մասին: Նա պատվիրեց Ջոզեֆ Սմիթին, որ միսիոներներ ուղարկի, որոնք բոլոր մարդկանց կսովորեցնեին Հիսուս Քրիստոսի Վերջին Օրերի Սրբերի Եկեղեցու մասին:
Հիսուս Քրիստոսի Վերջին Օրերի Սրբերի Եկեղեցին այն նույն եկեղեցին է, որը Հիսուսը հիմնեց, երբ ապրում էր երկրի վրա: