Գլուխ 54
Հիսուսը հարություն է առնում
Մի կին, որին Հիսուսը բուժեց, և որի անունը Մարիամ Մագդաղենացի էր, գնաց գերեզման: Նա զարմացավ, երբ տեսավ, որ քարը տեղափոխված էր: Հիսուսի մարմինը գերեզմանի մեջ չէր:
Նա շտապեց Պետրոսի և Հովհաննեսի մոտ, որ ասեր, որ ինչ-որ մեկը տարել էր Փրկչի մարմինը: Նա չգիտեր, թե որտեղ էր այն:
Պետրոսը և Հովհաննեսը վազեցին դեպի գերեզման: Նրանք գտան Հիսուսի հագուստները, բայց Հիսուսի մարմինը այնտեղ չէր: Պետրոսը և Հովհաննեսը չգիտեին, ինչ անել: Նրանք գնացին տուն:
Մարիամ Մագդաղենացին լաց լինելով մնաց գերեզմանի մոտ: Երբ նա նորից նայեց, տեսավ երկու հրեշտակ:
Նրանք Մարիամ Մագդաղենացուն հարցրեցին, թե ինչու էր նա լաց լինում: Նա ասաց, որ ինչ-որ մեկը տարել էր Հիսուսի մարմինը: Նա չգիտեր, թե որտեղ էր այն:
Նա շրջվեց և տեսավ ինչ-որ մեկին: Նա մտածեց, թե դա այգեգործն էր: Նա նրան հարցրեց, թե ինչու էր լաց լինում: Նա հարցրեց, թե գիտի Նա արդյոք, թե որտեղ է Հիսուսի մարմինը:
Այդ ժամանակ մարդն ասաց. «Մարիամ», և նա հասկացավ, որ դա Հիսուսն էր: Նա նրան խնդրեց ասել Առաքյալներին, որ Ինքը հարություն է առել:
Մարիամ Մագդաղենացին և մի քանի այլ կանայք Առաքյալներին ասացին, որ Հիսուսը հարություն է առել: Սկզբում Առաքյալները նրանց չհավատացին:
Ավելի ուշ, երբ Առաքյալները խոսում էին իրար հետ. Հիսուսը մտավ սենյակ: Առաքյալները վախեցան: Նրանք դեռ կարծում էին, որ Նա մահացել էր:
Փրկիչը նրանց ասաց, որ դիպչեն Իր ձեռքերին և ոտքերին: Նրա մարմինը հարություն էր առել և նորից միացել հոգուն:
Առաքյալները երջանիկ էին, որ տեսան Նրան: Նա ուտելիք խնդրեց նրանցից: Նրանք Նրան ձուկ և մեղրամոմ տվեցին: Նա կերավ:
Հիսուս Քրիստոսը առաջին մարդն էր, ով հարություն առավ: Հետագայում շատերը հարություն առան և Երուսաղեմի մարդիկ տեսան նրանց: Հիսուսն ասաց. «Ես եմ հարությունը և կյանքը»: Քանի որ Նա հաղթեց մահը, մենք նույնպես մի օր հարություն կառնենք: