Գլուխ 24
Հայրոսի դուստրը վերակենդանանում է
Հայրոսն ասաց, որ իր 12-ամյա դուստրը ծանր հիվանդ էր: Նա աղաչում էր, որ Հիսուսը գար և օրհներ նրան: Նա հավատում էր, որ Հիսուսը նրան կլավացներ:
Հիսուսը գնաց Հայրոսի ետևից նրա տուն, բայց կանգ առավ մի կնոջ բուժելու համար: Երբ նա խոսում էր այդ կնոջ հետ, ինչ-որ մեկն եկավ և Հայրոսին ասաց, որ շատ ուշ է և իր դուստրը մահացավ:
Հիսուսը լսեց այն, ինչ ասվեց: Նա Հայրոսին ասաց, որ չվախենա, այլ հավատա Իրեն:
Ապա Հիսուսը Հայրոսի հետ գնաց նրա տուն: Տունը լի էր մարդկանցով, որոնք լաց էին լինում փոքր աղջկա մահվան պատճառով:
Հիսուսը նրանց ասաց, որ աղջիկը մահացած չէր, այլ քնած էր: Մարդիկ ծիծաղում էին Նրա վրա: Նրանք համոզված էին, որ աղջիկը մահացած էր:
Փրկիչը պատվիրեց, որ բոլորը դուրս գան, բացի Իր աշակերտներից, Հայրոսից և Հայրոսի կնոջից: Նրանք գնացին այն սենյակ, որտեղ պառկած էր փոքր աղջիկը:
Հիսուսը բռնեց աղջկա ձեռքը: Նա նրան ասաց, որ վեր կենար: Նա վեր կացավ և քայլեց: Նրա ծնողները զարմացած էին: Հիսուսը նրանց ասաց, որ ոչ ոքի չպատմեն, թե ինչ պատահեց: Ապա Նա ծնողներին ասաց, որ աղջկան ուտելիք տան: