Գլուխ 49
Առաջին Հաղորդությունը
Հիսուսը և Տասներկու Առաքյալները պետք է տեղ գտնեին, որտեղ պետք է Զատկի ճաշը ուտեին: Փրկիչը ուղարկեց Պետրոսին և Հովհաննեսին, որ սենյակ գտնեին և հետևեին, որ ամեն ինչ պատրաստ է ճաշելու համար:
Նրանք սենյակ գտան և պատրաստվեցին ճաշին:
Հիսուսը և բոլոր Առաքյալները գնացին այնտեղ: Նրանք միասին կերան Զատկի ճաշը:
Հիսուսը Իր Առաքյալներին առաջին անգամ հաղորդություն մատուցեց: Նա վերցրեց հացը, օրհնեց այն և բաժանեց այն կտորների: Նա ասաց Առաքյալներին, որ ուտեն հացը:
Հիսուսը նրանց խնդրեց, որ հացը ուտելիս մտածեն Իր մարմնի մասին: Նա խնդրեց նրանց հիշել, որ Նա մահանալու էր իրենց համար:
Հիսուսը գինի լցրեց բաժակի մեջ: Նա օրհնեց գինին և ասաց Առաքյալներին, որ խմեն այն:
Հիսուսը նրանց ասաց, որ խմելիս նրանք մտածեն Իր արյան մասին: Նա նրանց խնդրեց հիշել, որ Նա արյունահոսելու է և տանջվելու է բոլոր մարդկանց մեղքերի համար:
Հիսուսը Առաքյալներին ասաց, որ ամբարիշտ մարդիկ շուտով կսպանեն Իրեն: Առաքյալներից տասնմեկը շատ տխուր էին: Նրանք սիրում էին Փրկչին և չէին ուզում, որ Նա մահանար: Հիսուսը գիտեր, որ Առաքյալներից մեկը պետք է օգնի ամբարիշտ մարդկանց: Նրա անունը Հուդա Իսկարիովտացի էր: