Ngaahi Akonaki Maʻa Hotau Kuongá

ʻE fakatefito e ngaahi lēsoni ʻa e Lakanga Taulaʻeiki Faka-Melekisētekí mo e Fineʻofá ʻi he Sāpate faá, ʻi he “Ngaahi Akonaki Maʻa Hotau Kuongá.” ʻE lava ke teuteuʻi ʻa e lēsoni takitaha mei ha lea ʻe taha pe lahi ange naʻe fai ʻi he konifelenisi lahi fakamuimuitahá. ʻE lava ke fili ʻe he kau palesiteni fakasiteikí mo e fakavahefonuá ʻa e ngaahi lea ke fakaʻaongaʻí, pe te na tuku atu ʻa e fatongia ko ʻení ki he kau pīsopé mo e palesiteni fakakoló. ʻOku totonu ke fakamamafaʻi ʻe he kau takí ʻa e mahuʻinga ke ako ʻe he houʻeiki tangata ʻo e Lakanga Taulaʻeiki Faka-Melekisētekí mo e kau fefine ʻo e Fineʻofá, ʻa e lea tatau pē ʻi he Sāpate tatau.

Ko kinautolu ʻoku nau omi ki he lēsoni Sāpate faá, ʻoku poupouʻi atu kinautolu ke nau ako pea omi ki he kalasí mo e makasini ʻo e konifelenisi lahi fakamuimuitahá.

Ngaahi Fokotuʻu ki Hono Teuteu ʻo ha Lēsoni mei he Ngaahi Leá

Lotu ke nofoʻia koe ʻe he Laumālie Māʻoniʻoní ʻi hoʻo ako mo akoʻi ʻa e (ngaahi) leá. ʻE ʻi ai ha ngaahi taimi ʻe ʻahiʻahiʻi ai koe ke ke teuteu ʻa e lēsoní ʻo fakaʻaongaʻi ha ngaahi nāunau kehe, ka ko e ngaahi lea konifelenisí pē ʻa e nāunau kuo fakangofua atú. Ko ho fatongiá ke tokoni ki he niʻihi kehé ke nau ako mo moʻuiʻaki ʻa e ongoongoleleí ʻo hangē ko ia ne akoʻi mai ʻi he konifelenisi lahi fakamuimuitaha ʻo e Siasí.

Toe vakaiʻi ʻa e (ngaahi) leá, ke ʻiloʻi ʻa e ngaahi tefitoʻi moʻoni mo e ngaahi tokāteline ʻokú ne feau e ngaahi fie maʻu ʻa e kau mēmipa ʻo e kalasí. Kumi hake foki mo ha ngaahi talanoa, fakamoʻoni fakafolofola mo ha ngaahi fakamatala mei he (ngaahi) leá te ne tokoniʻi koe ʻi hono akoʻi e ngaahi moʻoni ko ʻení.

Fokotuʻutuʻu e founga te ke loto ke akoʻi ʻaki ʻa e ngaahi tefitoʻi moʻoní mo e tokāteline. ʻOku totonu ke kau ʻi hoʻo fokotuʻutuʻú ha ngaahi fehuʻi ʻe tokoni ki he kau mēmipa ʻo e kalasí ke nau:

ʻIloʻi e ngaahi tefitoʻi moʻoní mo e ngaahi tokāteline ʻi he (ngaahi) leá.
Fakakaukau ki honau ʻuhingá.
Vahevahe ʻa e mahino, fakakaukau, taukei, mo e ngaahi fakamoʻoní.
Fakaʻaongaʻi e ngaahi tefitoʻi moʻoni mo e tokāteline ko ʻení ʻi heʻenau moʻuí.

Māhiná	Nāunau ki he Lēsoni ʻo e Sāpate Faá
Mē 2008– ʻOkatopa 2008	Ngaahi lea ʻoku pulusi atu ʻi he Liahona* ʻo Mē 2008
Nōvema 2008– ʻEpeleli 2009	Ngaahi lea ʻoku pulusi atu ʻi he Liahona* ʻo Nōvema 2008