Joseph Smith Kev Txhais Lus Ntxiv Tom Kawg Zaj Lus PiavTej yam nram qab no yog tej uas tau xaiv los ntawm Joseph Smith txoj kev muab phau Npaivnpaum King James Version txhais (JST). Tus Tswv tau tshoov tus Yaj Saub Joseph Smith lub siab kom muab tej kev tseeb, uas tau ploj lawm los yog muab hloov lawm txij thaum tau muab cov tseem lus ntawd sau tseg, txum tim rov qab rau hauv phau Npaivnpaum King James. Tej kev tseeb uas tau muab txum tim rov qab los no yuav ua rau tej lus qhuab qhia meej pem thiab to taub vaj lug kub zoo dua tuaj. JST, Chiv Keeb Tej Yam Muaj Nyob Hauv JST, Chiv Keeb 1–8Joseph Smith tau muab cov ntawv nyob hauv phau Npaivnpaum txum tim rov qab los thiab muab luam tawm nyob hauv phau Lub Hlaws uas Muaj Nqis Heev hu ua Tej uas Xaiv Los ntawm Phau Ntawv Mauxes. JST, Chiv Keeb 9Tom qab Dej Nyab Thoob Ntiaj Teb, Nau-as thov tus Tswv kom tsis txhob foom tsis zoo rau lub ntiaj teb ntxiv lawm. JST, Chiv Keeb 14Mekhixedes foom koob hmoov rau Anplas. Piav txog Mekhixedes txoj kev qhuab qhia tseem ceeb thiab piav txog tej lub hwj chim thiab tej koob hmoov ntawm lub Pov Thawj Hwj Mekhixedes. JST, Chiv Keeb 15Anplaham kawm txog txoj Kev Sawv Rov Los thiab ua yog toog pom Yexus txoj kev qhuab qhia hauv lub ntiaj teb. JST, Chiv Keeb 17Tib neeg tsis ua raws li txoj moo zoo tej kab ke, xws li kev cai raus dej. Vajtswv piav rau Anplaham txog txoj kev khi lus ntawm kev cai txiav thiab me nyuam yaus lub hnub nyoog paub tab. JST, Chiv Keeb 19Lauj tiv txoj kev phem hauv Xaudoos, thiab cov tim tswv pov hwm nws. JST, Chiv Keeb 21Anplaham teev tiam tus Vajtswv uas kav mus ib txhis. JST, Chiv Keeb 48Efala-is thiab Manaxes los ua ob xeem neeg Ixayees. Ib yam li Yauxej thaum ub cawm nws tsev neeg ntawm sab cev nqaij daim tawv, nws cov xeeb leej xeeb ntxwv yuav cawm Ixayees ntawm sab ntsuj plig nyob hauv hnub nyoog kawg. JST, Chiv Keeb 50Yauxej nyob hauv Iyiv qhia tej yuav muaj los yav tom ntej txog Mauxes kev tso Ixayees dim kev ua cev qhev rau cov neeg Iyiv; txog ib ceg ntawm Yauxej cov xeeb leej xeeb ntxwv uas yuav mus rau ib thaj av nyob deb heev, uas yuav nco txog lawv nyob hauv tus Tswv tej kev khi lus; txog Vajtswv txoj kev hu ib tug yaj saub hauv hnub nyoog kawg hu ua Joseph (Yauxej) los muab Yudas thiab Yauxej tej ceev xwm txheej tso ua ke; thiab txog Aloos txoj kev sawv cev ua tus hais lus rau Mauxes. JST, Khiav Dim Tej Yam Muaj Nyob Hauv JST, Khiav Dim 4Tus Tswv tsis lav ris qhov uas Falaus lub siab tawv. Thiab saib JST, Khiav Dim 7:3, 13; 9:12; 10:1, 20, 27; 11:10; 14:4, 8, 17; txhua nqe, yog muab txhais yog, qhia tau tias Falaus ua nws tus kheej lub siab kom tawv qhawv. JST, Khiav Dim 18Yethoos yog ib tug pov thawj hlob. JST, Khiav Dim 22Yuav tsum tsis txhob cia cov uas tua neeg muaj sia nyob. JST, Khiav Dim 32Tus Tswv yuav tseg tsis tua cov neeg Ixayees uas hloov siab lees txim. JST, Khiav Dim 33Tsis muaj ib tug neeg uas muaj kev txhaum yuav pom tau Vajtswv ntsej muag thiab tseem muaj sia nyob. JST, Khiav Dim 34Vajtswv sau ntawv rau saum cov txiag zeb uas Mauxes tau npaj tseg tiam sis muab lub Pov Thawj Hwj Mekhixedes thiab tej kab ke ntawd tshem tawm ntawm cov neeg Ixayees mus. Tiam sis Nws muab txoj kev cai ntawm sab cev nqaij daim tawv tej lus txib los rau lawv. JST, 2 Kev Cai JST, 2 Kev Cai 10Nyob rau hauv thawj ob daim txiag zeb Vajtswv qhia tshwm sim txog txoj kev khi lus uas kav ib txhis ntawm lub pov thawj hwj dawb huv. JST, 1 Xamuyees JST, 1 Xamuyees 16Tus ntsuj plig phem uas los rau Xa-ules tsis yog los ntawm tus Tswv los. JST, 2 Xamuyees JST, 2 Xamuyees 12Vajtswv tsis tau muab Daviv txoj kev txhaum phem heev tso pov tseg. JST, 1 Xwm Txheej Vaj Ntxwv JST, 1 Xwm Txheej Vaj Ntxwv 21Vajtswv ua rau ib tug tim tswv nres kom tsis txhob ua rau Yeluxalees puas tsuaj. JST, 2 Xwm Txheej Vaj Ntxwv JST, 2 Xwm Txheej Vaj Ntxwv 18Tus Tswv tsis muab tus ntsuj plig dag rau hauv cov yaj saub lub qhov ncauj. JST, Phau Ntawv Nkauj Tej Yam Muaj Nyob Hauv JST, Phau Ntawv Nkauj 11Nyob hauv hnub nyoog kawg cov ncaj ncees yuav khiav mus rau tus Tswv lub roob. Thaum tus Tswv los, Nws yuav ua kom cov neeg phem puas tsuaj thiab txhiv cov ncaj ncees dim. JST, Phau Ntawv Nkauj 14Tus Kws Sau Nkauj pom tias tib neeg yuav tso qhov tseeb tseg nyob rau hauv hnub nyoog kawg thiab nws zoo siab pom yav tom ntej thaum yuav txhim tsa Xi-oos. JST, Phau Ntawv Nkauj 24Tus Vaj Ntxwv Muaj Yeeb Koob yuav txhiv Nws cov neeg dim thaum Nws los. JST, Phau Ntawv Nkauj 109Peb yuav tsum thov Vajtswv rau peb cov yeeb ncuab. JST, Yaxayas Tej Yam Muaj Nyob Hauv JST, Yaxayas 29Tej lus uas cov yaj saub thaum ub muab los qhuab qhia nyob hauv Yeluxalees los yuav qhuab qhia txog tej lus ntawd nyob hauv hnub nyoog kawg los ntawm Phau Ntawv Maumoos, uas “tawm hauv av tuaj.” JST, Yaxayas 42Tus Tswv xa Nws tus tub qhe mus qhia cov uas tau xaiv kom lawv tsis pom los yog tsis hnov qhov tseeb; cov uas mloog thiab ua raws li Nws hais ces Nws yuav muab cov ntawd ua kom zoo tag nrho. JST, Yelemis JST, Yelemis 26Tus Tswv tsis hloov siab lees txim; tib neeg hloov siab lees txim. JST, Amaus JST, Amaus 7Tus Tswv tsis hloov siab lees txim; tib neeg hloov siab lees txim. JST, Mathais Tej Yam Muaj Nyob Hauv JST, Mathais 3Cov yaj saub qhia ua ntej hais tias Npelehees yuav yog qhov chaw uas tus Mexiyas yug los. JST, Mathais 4Tus Ntsuj Plig coj Yexus, tsis yog Dab Ntxwg Nyoog coj. JST, Mathais 5Tus uas ua raws li cov lus txib thiab qhia lwm tus ua li ntawd tus ntawd thiaj yuav txais tau kev cawm dim. JST, Mathais 6Tus Tswv tsis coj peb mus rau kev ntxias. JST, Mathais 7Tsis txhob txiav txim tsis ncaj ncees. JST, Mathais 9Yexus xyeej cov Falixais txoj kev cai raus dej; tsis muaj nqis vim lawv tsis txais yuav Nws. Nws tshaj tawm tias Nws yog tus muab Mauxes txoj kev cai. JST, Mathais 11Yauhas tus uas Muab Neeg Ua Kev Cai Raus Dej yog tus Eli-as uas yuav los npaj txoj kev rau tus Cawm Seej. JST, Mathais 12Yuav tsis zam txim rau tus uas hais lus tawm tsam tus Vaj Ntsuj Plig Dawb Huv. JST, Mathais 13Ua ntej lub ntiaj teb kawg (kev puas tsuaj ntawm cov neeg phem), cov tub xa xov uas xa saum ntuj ceeb tsheej los yuav muab cov neeg ncaj ncees sau ua ke tawm ntawm cov neeg phem. JST, Mathais 16Yexus piav txog lub ntsiab ntawm tej lus “kwv Yexus tus ntoo khaub lig”: kom xyeej txhua yam tsis dawb huv thiab txhua yam kev ntshaw tej yam hauv ntiaj teb thiab kom ua raws li Nws tej lus txib. JST, Mathais 17Yexus qhia txog ob tug Eli-as—ib tug yog los npaj kev thiab ib tug yog los muab txum tim rov qab los. JST, Mathais 18Cov me nyuam yaus tsis tas hloov siab lees txim. JST, Mathais 19Cov me nyuam yaus yuav txais kev cawm dim. JST, Mathais 21Ib tug neeg yuav tsum hloov siab lees txim ua ntej nws yuav ntseeg tau Khetos. JST, Mathais 23Tus uas nyob saum ntuj ceeb tsheej yog peb tus tsim. JST, Mathais 26Yexus xub xub muab cov mov mog rau lub cim nco txog ntais ces foom koob hmoov rau cov mov mog. Lub cim nco txog yog nco txog Yexus lub cev thiab cov ntshav. JST, Mathais 27Piav txog Yudas txoj kev tuag. JST, Malakaus Tej Yam Muaj Nyob Hauv JST, Malakaus 2Neeg Leej Tub yog tus Tswv ntawm Hnub Caiv vim Nws tau tsim Hnub Caiv. JST, Malakaus 3Yexus yuav zam txim rau txhua tus neeg txhaum uas hloov siab lees txim tsuas yog tsis zam txim rau cov uas hais lus saib tsis taus tus Vaj Ntsuj Plig Dawb Huv xwb. JST, Malakaus 7Yexus rau txim rau cov uas xyeej cov yaj saub thiab tsis ua raws li Mauxes txoj kev cai. JST, Malakaus 8Tus uas txaus siab tuag vim yog Yexus yuav tau txais kev cawm seej. JST, Malakaus 9Yauhas tus uas Muab Neeg Ua Kev Cai Raus Dej nyob saum Roob Hloov Hlo. JST, Malakaus 12Vajtswv tsis yog cov neeg tuag tus Vajtswv, vim Nws tsa cov neeg tuag sawv hauv lawv tej qhov ntxa los. JST, Malakaus 14Yexus txhim tsa lub cim nco txog kom nco txog Nws lub cev thiab cov ntshav. JST, Malakaus 16Ob tug tim tswv ntsib cov poj niam tom tus Cawm Seej lub qhov ntxa. JST, Lukas Tej Yam Muaj Nyob Hauv JST, Lukas 1Xakhaliyas, uas yog Yauhas tus uas Muab Neeg Ua Kev Cai Raus Dej txiv, ua tej dej num ntawm lub pov thawj hwj. JST, Lukas 2Cov xib hwb nyob hauv lub tuam tsev mloog Yexus thiab nug Nws. JST, Lukas 3Raws li tau qhia tej uas tau hais yuav muaj los yav tom ntej, Khetos yuav los cawm Ixayees thiab Lwm Haiv Neeg. Nyob hauv lub caij nyoog uas muaj txhij txhua, Nws yuav rov qab los txiav txim rau neeg ntiaj teb. JST, Lukas 6Yexus qhia hais tias nyiaj kev tsim txom zoo dua sib cav sib ceg nrog ib tug yeeb ncuab. JST, Lukas 9Kev muaj nyiaj nplua nuj ntawm lub ntiaj teb twb tsis tsim nyog xiam yus tus kheej. JST, Lukas 11Qhov txhij txhua ntawm tej vaj lug kub yog tus yawm sij ntawm kev txawj ntse. JST, Lukas 12Yexus piav hais tias yuav tsis zam txim rau kev saib tsis taus tus Vaj Ntsuj Plig Dawb Huv. JST, Lukas 14Cov uas paub Mauxes thiab cov yaj saub ntseeg Yexus. JST, Lukas 16Tej kev cai thiab cov yaj saub ua tim khawv txog Yexus. Cov Falixais xav ua kom lub nceeg vaj puas tsuaj. Yexus qhia zaj lus piv txwv txog tus nplua nuj thiab Laxalus. JST, Lukas 17Vajtswv lub nceeg vaj twb los lawm. JST, Lukas 18Kev tso siab rau kev nplua nuj ua rau ib tug neeg nkag tsis tau mus rau hauv Vajtswv lub nceeg vaj. JST, Lukas 21Yexus hais txog tej lub cim ntawm Nws txoj kev los. JST, Lukas 23Yexus thov kev zam txim rau cov tub rog Loos uas tab tom muab Nws ntsia rau saum ntoo khaub lig. JST, Lukas 24Cov poj niam pom ob tug tim tswv nyob ntawm Yexus lub rooj ntxa. JST, Yauhas Tej Yam Muaj Nyob Hauv JST, Yauhas 1Twb tau tshaj Yexus Khetos txoj moo zoo txij thaum chiv keeb los. Yauhas tus uas Muab Neeg Ua Kev Cai Raus Dej yog tus Eli-as uas npaj txoj kev rau Khetos, thiab Yexus Khetos yog tus Eli-as uas muab txhua yam txum tim rov qab los thiab muaj txoj kev cawm seej los ntawm Nws. JST, Yauhas 4Cov Falixais xav muab Yexus tua. Yexus muab ib co neeg ua kev cai raus dej, tiam sis Nws cov thwj tim muab cov neeg coob dua ua kev cai raus dej. JST, Yauhas 6Leej Txiv lub siab nyiam yog kom txhua tus txais yuav Yexus. Yuav muab cov uas ua raws li Yexus lub siab nyiam tsa nyob hauv txoj kev sawv rov los ntawm cov ncaj ncees. JST, Yauhas 13Yexus ntxuav cov Thwj Tim ko taw kom muaj raws li cov Neeg Yudais txoj kev cai. JST, Yauhas 14Tus kav qhov tsaus ntuj, los yog Dab Ntxwg Nyoog, yog tus ntawm lub ntiaj teb no. JST, Tes Hauj Lwm Tej Yam Muaj Nyob Hauv JST, Tes Hauj Lwm 9Cov uas nrog Povlauj ua ke lub sij hawm nws hloov siab los ntseeg pom qhov kaj, tiam sis lawv tsis hnov lub suab los yog pom tus Tswv. JST, Tes Hauj Lwm 22Tus thawj hau rog muab txoj saw hlau uas khi Povlauj daws. JST, Loos Tej Yam Muaj Nyob Hauv JST, Loos 3Povlauj qhia tias ib tug neeg ua tsis tau phem kom coj tau kev zoo los. JST, Loos 4Tib neeg txais tau kev cawm dim tsuas yog los ntawm Yexus Khetos txoj kev tshav ntuj xwb, tsis yog los ntawm tej hauj lwm coj raws li Mauxes txoj kev cai. JST, Loos 7Tsuas yog Khetos xwb thiaj muaj hwj chim hloov neeg tus ntsuj plig mus rau qhov zoo tas mus li. JST, Loos 8Cov uas ua raws li tej kev ntawm sab nqaij daim tawv ua tsis tau haum Vajtswv siab. JST, Loos 13Cov uas hwm cov pej xeem cov nom ua rau lawv txoj kev hwm Vajtswv loj ntxiv thiab zoo tag nrho ntxiv. JST, 1 Kauleethaus Tej Yam Muaj Nyob Hauv JST, 1 Kauleethaus 7Povlauj qhia tias kev yuav poj niam yuav txiv yog ib qho zoo. Tiam sis cov uas txais kev hu mus ua tub txib, lawv ua hauj lwm zoo dua rau Vajtswv yog tias lawv tsis tau yuav poj niam yuav txiv thaum lawv tab tom qhuab qhia. JST, 1 Kauleethaus 15Muaj peb theem yeeb koob nyob hauv txoj Kev Sawv Rov Los. JST, 2 Kauleethaus JST, 2 Kauleethaus 5Povlauj ntuas Haiv Neeg Ntseeg kom txhob ua neej raws txoj kev ntawm sab nqaij daim tawv. JST, Kalatias JST, Kalatias 3Mauxes yog tus neeg nruab nrab ntawm thawj txoj kev khi lus, los yog txoj kev cai. Yexus Khetos yog tus neeg nruab nrab ntawm txoj kev khi lus tshiab. JST, Efexus JST, Efexus 4Txoj kev chim uas tsis ncaj ncees yog kev txhaum. JST, Kaulauxais JST, Kaulauxais 2Tib neeg cov lus txib tej zaum yuav muaj nqis thaum qhia txog tej yam xws li kev tswj yus tus kheej, tiam sis tej ntawd tsis muab sam xeeb rau Vajtswv thiab tsis cawm tib neeg. JST, 1 Thexalaunikes JST, 1 Thexalaunikes 4Cov neeg ncaj ncees uas muaj sia nyob thaum tus Tswv los yuav tsis muaj qhov tshaj cov tuag uas ncaj ncees. JST, 2 Thexalaunikes JST, 2 Thexalaunikes 2Dab Ntxwg Nyoog yuav ua kom tib neeg poob los sis tso qhov tseeb tseg ua ntej tus Tswv rov qab los. JST, 1 Timautes Tej Yam Muaj Nyob Hauv JST, 1 Timautes 2Khetos yog Tib Leeg Tub thiab yog tus Neeg Nruab Nrab. JST, 1 Timautes 3Tau muab lub Koom Txoos txhim tsa los ntawm lub ntsiab cai tseem ceeb tshaj uas hais tias Yexus tau yug los ua neeg txawj tuag, tau qhia txoj moo zoo, thiab tau rov qab mus rau Nws Txiv. Lus cim: Kev hloov me me nyob hauv tej nqe nram qab no qhia meej tias “tus ncej zeb thiab lub hauv paus ntawm qhov tseeb” yog Yexus Khetos. JST, 1 Timautes 6Cov uas muaj txoj kev kaj ntawm txoj kev tsis txawj tuag (txoj moo zoo) nyob hauv lawv thiaj pom tau Yexus. JST, Henplais Tej Yam Muaj Nyob Hauv JST, Henplais 1Cov tim tswv yog cov ntsuj plig los muab kev txhawb pab. JST, Henplais 4Yuav tsis cawm cov uas ua lawv lub siab tawv qhawv; cov uas hloov siab lees txim yuav tau nkag mus rau hauv tus Tswv qhov chaw so. JST, Henplais 6Tej ntsiab cai ntawm Khetos tej lus qhuab qhia coj mus rau kev zoo tag nrho. JST, Henplais 7Mekhixedes yog ib tug pov thawj raws li Vajtswv Leej Tub tus txheej txheem. Tag nrho cov uas txais lub pov thawj hwj no muaj peev xwm rais los ua zoo li Vajtswv Leej Tub. JST, Henplais 11Kev ntseeg yog kev ruaj siab txog tej yam uas cia siab rau. JST, Yakaunpaus Tej Yam Muaj Nyob Hauv JST, Yakaunpaus 1Tej kev txom nyem, tsis yog tej kev ntxias, pab ua kom peb dawb huv. JST, Yakaunpaus 2Cov mej zeej yuav tsum tsis txhob saib ib tug tseem ceeb dua lwm tus. JST, 1 Petus Tej Yam Muaj Nyob Hauv JST, 1 Petus 3Ib txhia ntsuj plig uas raug kaw coj tsis ncaj ncees nyob rau Nau-as lub caij nyoog. JST, 1 Petus 4Tau coj txoj moo zoo mus tshaj tawm rau cov uas tuag lawm. JST, 2 Petus JST, 2 Petus 3Nyob hauv hnub nyoog kawg, neeg coob yuav xyeej tus Tswv Yexus Khetos. Thaum Nws los, yuav muaj ntau yam kev puas tsuaj hauv lub ntiaj teb. Yog peb nyiaj kom dhau ua kev ncaj ncees, peb yuav tau txais ib lub ntiaj teb tshiab. JST, 1 Yauhas Tej Yam Muaj Nyob Hauv JST, 1 Yauhas 2Khetos yog tus sawv cev uas daws peb zaj rau Leej Txiv yog peb hloov siab lees txim. JST, 1 Yauhas 3Leej twg uas yug los ntawm Vajtswv tsis ua kev txhaum mus ntxiv. JST, 1 Yauhas 4Tsuas yog cov neeg ntseeg Vajtswv xwb thiaj pom tau Nws. JST, Tshwm Sim Tej Yam Muaj Nyob Hauv JST, Tshwm Sim 1Tus Thwj Tim Yauhas txais tej kev qhia txog yav tom ntej nyob hauv phau Tshwm Sim. Yexus Khetos thiab ib tug tim tswv los xyuas nws. JST, Tshwm Sim 2Cov phem raug muab pov mus rau hauv ntuj txiag teb tsaus. JST, Tshwm Sim 5Xa Vajtswv kaum ob tug tub qhe mus thoob plaws lub ntiaj teb. JST, Tshwm Sim 12Yauhas piav txog lub cim ntawm tus poj niam, tus me nyuam, tus pas hlau, tus zaj, thiab Mikhayees. Npluav rog uas pib saum ntuj ceeb tsheej muaj mus ntxiv nyob hauv lub ntiaj teb. Saib hauv JST, muaj tej nqe vaj lug kub uas muab hloov sau ua ntej ua qab. JST, Tshwm Sim 19Vajtswv siv Khetos txoj lus los nplawm tej haiv neeg.