3 Vim tus Tswv tau tsa tus Mekhixedes ua ib tug pov thawj raws li tus txheej txheem ntawm Vajtswv Leej Tub, tus txheej txheem uas tsis muaj txiv, tsis muaj niam, tsis muaj xeeb ntxwv, tsis muaj hnub pib, los yog hnub kawg ntawm txoj sia. Thiab tag nrho cov uas tau muab tsa rau lub pov thawj hwj no los Vajtswv muab cov ntawd ua zoo ib yam li Vajtswv Leej Tub, ua ib tug pov thawj tas mus li.

19 Vim cov pov thawj tau siv txoj kev cai tsis muaj kev lav lus thiab ua tsis tau ib yam dab tsi zoo tag nrho, tiam sis tsuas yog coj tau ib txoj kev cia siab uas zoo dua los; peb thiaj los nyob ze rau ntawm Vajtswv.

20 Zoo li tus pov thawj hlob no yeej tau ua kev lav lus, ib yam li ntawd Yexus tau ua kom muaj ib txoj kev khi lus uas zoo dua.

21 (Vim tau ua cov pov thawj no tsis muaj kev lav lus; tiam sis tus pov thawj no tau ua kev lav lus rau tus uas tau hais lus rau nws hais tias, Tus Tswv tau cog lus thiab yuav tsis hloov siab, Koj yog ib tug pov thawj txij no mus tas ib txhis raws li tus txheej txheem Mekhixedes;)

25 Vim ib tug pov thawj hlob zoo li ntawd tsim nyog rau peb, tus uas dawb huv, tsis ua mob leej twg, tsis vuab tsuab, nrug tej neeg ua txhaum, thiab raug tsa ua tus kav ntuj ceeb tsheej;

26 Thiab tsis zoo li cov pov thawj hlob uas niaj hnub ua kev cai txi tsiaj, xub txi rau lawv tus kheej tej kev txhaum, thiab tom qab ntawd rau cov neeg tej kev txhaum; vim nws tsis tas ua kev cai txi tsiaj rau nws tus kheej tej kev txhaum, vim nws tsis muaj kev txhaum; tiam sis yog rau cov neeg tej kev txhaum. Thiab nws ua li no ib zaug, thaum nws muab nws tus kheej txi.