2 Nej tsis txhob rawm poob siab, los sis ntxhov siab los ntawm tsab ntawv, tsuas yog nej txais los ntawm peb; los sis ntawm tus ntsuj plig, los sis los ntawm tej lus, hais tias twb yuav txog hnub uas Khetos los lawm.

3 Tsis txhob cia leej twg muab yam dab tsi ntxias tau nej; vim yuav xub muaj ib txoj kev poob ua ntej tso, thiab tus neeg ua txhaum yuav tshwm sim los, tus tub ntawm kev puas tsuaj;

7 Vim tej kev ua phem uas tsis muaj neeg paub twb ua hauj lwm lawm, thiab nws twb yog tus uas nim no ua hauj lwm ntag, thiab Khetos cia nws ua hauj lwm, kom txog lub sij hawm muaj raws li qhov hais tias nws yuav raug coj khiav tawm mus.

8 Thiab tom qab ntawd tus niag phem ntawd yuav raug ua tshwm sim los, tus uas tus Tswv yuav muab tus ntsuj plig ntawm nws tej lus hlawv tus ua phem ntawd, thiab muab txoj kev ci ntsa iab ntawm nws txoj kev los ua kom tus ua phem ntawd puas tsuaj mus.

9 Muaj tseeb tiag, tus Tswv, uas yog Yexus, nws txoj kev los yuav tsis tau muaj kom txog thaum tom qab muaj ib txoj kev poob tso, los ntawm Dab Ntxwg Nyoog kev ua hauj lwm nrog tag nrho nws lub hwj chim, thiab tej cim thiab tej txuj ci dag uas xav tsis thoob.