19 Yog li ntawd, tau muab txoj kev cai los ntxiv vim yog txoj kev ua txhaum, kom txog thaum cov tub ki los rau tus uas tau cog lus cia nyob hauv txoj kev cai uas tau muab rau Mauxes, tus uas cov tim tswv txhais tes tau tsa los ua tus neeg nruab nrab ntawm thawj txoj kev khi lus (txoj kev cai) no.

20 Nim no tus neeg nruab nrab no tsis yog tus neeg nruab nrab ntawm txoj kev khi lus tshiab; tiam sis muaj ib tug neeg nruab nrab rau txoj kev khi lus tshiab, tus uas yog Khetos, raws li tau sau tseg rau hauv txoj kev cai ntsig txog tej kev cog lus uas tau cog rau Anplaham thiab nws cov tub ki. Nim no Khetos yog tus neeg nruab nrab ntawm txoj sia; vim qhov no yog txoj kev cog lus uas Vajtswv tau cog rau Anplaham.