JST, Khiav Dim 4:21. Piv rau Khiav Dim 4:21; 7:3, 13; 9:12; 10:1, 20, 27; 11:10; 14:4, 8, 17; 2 Kev Cai 2:30
Tus Tswv tsis lav ris qhov uas Falaus lub siab tawv. Thiab saib JST, Khiav Dim 7:3, 13; 9:12; 10:1, 20, 27; 11:10; 14:4, 8, 17; txhua nqe, yog muab txhais yog, qhia tau tias Falaus ua nws tus kheej lub siab kom tawv qhawv.
21 Thiab tus Tswv hais rau Mauxes tias, Thaum koj rov qab mus tim Iyiv, koj yuav tsum ua tag nrho tej txuj ci uas xav tsis thoob rau Falaus saib, tej uas kuv tau muab tso rau hauv koj txhais tes, thiab kuv yuav ua kom koj vam meej; tiam sis Falaus yuav ua nws lub siab tawv qhawv, thiab nws yuav tsis tso cov neeg mus.
JST, Khiav Dim 4:24–27. Piv rau Khiav Dim 4:24–27
Thaum tus Tswv hais tias yuav muab Mauxes tua pov tseg vim nws tsis ua kev cai txiav rau nws tus tub, Xipaulas cawm nws txoj sia thaum nws ua txoj kab ke ntawd nws tus kheej. Mauxes lees nws txoj kev txhaum.
24 Thiab tau muaj tias, tus Tswv tshwm sim rau nws thaum nws nyob hauv txoj kev, nyob ze lub tsev pw. Tus Tswv npau taws rau Mauxes thiab yuav luag tawm tsam nws, kom muab nws tua pov tseg; vim nws tsis tau ua kev cai txiav rau nws tus tub.
25 Ces Xipaulas thiaj muab tau ib lub pob zeb ntse ntse los ua kev cai txiav rau nws tus tub, thiab muab lub pob zeb pov rau ntawm Mauxes ko taw thiab hais tias, Tseeb tiag koj yeej yog ib tug txiv uas ua ntshav nrog rau kuv.
26 Thiab tus Tswv tseg Mauxes txoj sia thiab cia nws mus, vim Xipaulas, nws tus poj niam, ua kev cai txiav rau tus me nyuam. Thiab nws hais tias, koj yog ib tug txiv uas ua ntshav nrog rau kuv. Thiab Mauxes txaj muag, thiab muab nws lub ntsej muag nkaum tus Tswv, thiab hais tias, kuv tau ua txhaum rau tus Tswv.
27 Thiab tus Tswv hais rau Aloos hais tias, Koj cia li mus ntsib Mauxes tom roob moj sab qhua, ces Aloos thiaj tau mus thiab ntsib Mauxes, nyob rau saum Vajtswv lub roob; nyob rau saum lub roob uas Vajtswv tau tshwm sim rau nws pom; thiab Aloos puag nkaus Mauxes nwj.