JST, Loos 8:8. Piv rau Loos 8:8
Cov uas ua raws li tej kev ntawm sab nqaij daim tawv ua tsis tau haum Vajtswv siab.
8 Yog li ntawd ces cov uas coj raws li sab nqaij daim tawv ua tsis tau haum Vajtswv siab.
JST, Loos 8:29–30. Piv rau Loos 8:29–30
Yexus Khetos muab cov uas ncaj ncees hloov ua neeg dawb huv kom npaj rau lawv txoj kev cawm seej.
29 Rau qhov tus uas nws twb paub ua ntej, nws kuj tau xaiv ua ntej kom zoo raws li nws tus kheej tus yam ntxwv, xwv kom tus Tswv yog tus tub hlob nyob hauv cov kwv tij coob.
30 Tsis tas li ntawd xwb, tus uas nws tau xaiv ua ntej, nws kuj tau hu tus ntawd; thiab tus uas nws tau hu, nws kuj muab tus ntawd hloov los ua neeg dawb huv; thiab tus uas nws muab hloov los ua neeg dawb huv, nws kuj muab yeeb koob rau tus ntawd.