JST, Loos 4:2–5. Piv rau Loos 4:2–5
Tib neeg txais tau kev cawm dim tsuas yog los ntawm Yexus Khetos txoj kev tshav ntuj xwb, tsis yog los ntawm tej hauj lwm coj raws li Mauxes txoj kev cai.
2 Rau qhov yog tias txoj kev cai ntawm tej hauj lwm ua rau Anplaham tsis muaj txim, ces nws yeej muaj cai khav txog nws tus kheej; es tsis yog ntawm Vajtswv.
3 Vim vaj lug kub hais li cas? Anplaham ntseeg Vajtswv, thiab twb muab suav rau nws tias yog kev ncaj ncees.
4 Nim no tus uas txoj kev cai ntawm tej hauj lwm ua rau nws tsis muaj txim, tus ntawd tau nqi zog lawm, tsis yog los ntawm kev tshav ntuj, tiam sis ntawm kev tshuav nqi.
5 Tiam sis rau tus uas tsis yog xav kom txoj kev cai ntawm tej hauj lwm ua rau nws tsis muaj txim, tiam sis ntseeg tus uas tsis hais tias cov uas tsis mloog Vajtswv lus tsis muaj txim, twb muab nws txoj kev ntseeg suav tias yog kev ncaj ncees.
JST, Loos 4:16. Piv rau Loos 4:16
Yuav tsum muaj kev ntseeg thiab tej hauj lwm ob qho no, los ntawm kev tshav ntuj los, thiaj yuav tau txoj kev cawm seej.
16 Yog li ntawd nej hloov los ua neeg ncaj los ntawm kev ntseeg thiab tej hauj lwm, los ntawm txoj kev tshav ntuj, xwv kom txoj kev cog lus yuav muaj taus tiag rau tag nrho cov tub ki; tsis yog rau cov uas coj txoj kev cai xwb, tiam sis rau cov uas coj txoj kev ntseeg zoo li Anplaham thiab; tus uas yog peb sawv daws yawg koob,