7 Cia li tsa nej taub hau, auj nej cov uas yog Yakhauj cov tub ki; thiab nej cia li sawv; thiab tus Tswv muaj zog thiab muaj hwj chim; tus Tswv muaj hwj chim ntaus rog, nws yog tus vaj ntxwv muaj yeeb koob, yuav tsa nej mus ib txhis.

8 Thiab nws yuav muab lub ntuj kauv cia; thiab yuav nqis los txhiv nws cov neeg dim; los tsim ib lub npe uas kav ib txhis rau nej; los tsa nej rau saum nws lub pob zeb uas kav ib txhis.

9 Cia li tsa nej taub hau, auj nej cov uas yog Yakhauj tej tiam neeg; cia li tsa nej taub hau, nej tej tiam neeg uas kav ib txhis, thiab ib tsoom tub rog tus Tswv, tus vaj ntxwv ntawm cov vaj ntxwv;

10 Tus vaj ntxwv muaj yeeb koob twb yuav los rau hauv nej; thiab yuav txhiv nws cov neeg dim, thiab yuav tsa lawv raws li txoj kev ncaj ncees. Xelas.