1 Tus neeg ruam pheej hais nyob hauv nws lub siab tias, Yeej tsis muaj ib tug neeg uas tau pom Vajtswv li. Vim nws tsis cia nws tus kheej los rau peb pom, yog li ntawd tsis muaj Vajtswv. Saib seb, lawv liam sij; lawv tau ua tej yam ntxim ntxub, thiab lawv tsis muaj ib tug ua zoo hlo li.

2 Vim tus Tswv nyob saum ntuj ceeb tsheej ntsia ntsoov tuaj rau noob neej, thiab tau muab nws lub suab hais rau nws tus tub qhe tias, Koj mus nrhiav hauv noob neej, saib puas muaj leej twg uas to taub Vajtswv. Thiab nws teb rau tus Tswv, thiab hais tias, Saib seb, tag nrho cov no uas hais tias lawv yog koj cov.

3 Tus Tswv txawm teb thiab hais tias, Lawv sawv daws tau mus tsis ncaj kev, lawv sawv daws hloov los ua neeg vuab tsuab, koj twb pom hais tias lawv tsis muaj ib tug uas ua zoo, tsis muaj, tsis muaj ib tug li.

4 Tag nrho lawv muaj rau lawv cov xib hwb ces yog cov neeg ua phem, thiab lawv tsis muaj kev txawj ntse. Cov xib hwb yog cov uas noj kuv cov neeg. Lawv noj mov mog thiab tsis thov tus Tswv.

5 Lawv ntshai heev, vim Vajtswv nyob hauv tiam neeg ntawm cov ncaj ncees. Nws yog tus ntuas cov neeg pluag, vim lawv txaj muag rau cov neeg phem, thiab khiav mus cuag tus Tswv, ua lawv qhov chaw nkaum.

6 Lawv txaj muag rau tej kev ntuas ntawm cov neeg pluag vim tus Tswv yog lawv qhov chaw nkaum.

7 Auj kheev lam tau tsa Xi-oos los saum ntuj ceeb tsheej los, txoj kev cawm seej ntawm Ixayees. Auj tus Tswv, thaum twg koj mam tsa Xi-oos? Thaum tus Tswv rov qab coj nws cov neeg tawm hauv kev poob cev qhev los, Yakhauj yuav xyiv fab, Ixayees yuav zoo siab.