1 Thaum hnub ntawd koj yuav los, auj tus Tswv; thiab kuv yuav tso siab rau koj. Koj yuav hais rau koj cov neeg, vim kuv lub pob ntseg tau hnov koj lub suab; koj yuav hais rau txhua tus neeg hais tias, Khiav mus rau kuv lub roob; thiab cov ncaj ncees yuav khiav zoo li ib tug noog uas muab tso dim ntawm tus neeg cuab noog rooj ntxiab.

2 Vim cov neeg phem nta lawv rab hneev; muaj tseeb tiag, lawv muab xub npaj txhij rau ntawm txoj hlua, xwv kom lawv thiaj tua raug cov neeg uas muaj siab ncaj ncees, kom ua rau lawv lub hauv paus puas tsuaj.

3 Tiam sis lub hauv paus ntawm cov neeg phem yuav raug puas tsuaj, thiab lawv ua tau li cas?

4 Vim tus Tswv, thaum nws los rau hauv nws lub tuam tsev dawb huv, zaum saum Vajtswv lub rooj theej kiab nyob saum ntuj ceeb tsheej, nws ob lub qhov muag yuav pom tshab cov neeg phem.

5 Saib seb nws daim tawv muag yuav txiav txim rau noob neej, thiab nws yuav txhiv cov ncaj ncees dim, thiab lawv yuav raug txiav txim. Tus Tswv hlub cov ncaj ncees, tiam sis cov neeg phem, thiab cov uas nyiam ua lim hiam, nws ntxub.