JST, Yauhas 4:1–4. Piv rau Yauhas 4:1–2
Cov Falixais xav muab Yexus tua. Yexus muab ib co neeg ua kev cai raus dej, tiam sis Nws cov thwj tim muab cov neeg coob dua ua kev cai raus dej.
1 Yog li ntawd thaum cov Falixais tau hnov hais tias Yexus tau muaj thwj tim thiab muab lawv ua kev cai raus dej coob dua Yauhas,
2 Lawv ua tib zoo nrhiav kev kom lawv yuav muab tau nws tua pov tseg; vim coob tus txais yuav Yauhas li ib tug yaj saub, tiam sis lawv tsis ntseeg Yexus.
3 Nim no tus Tswv twb paub qhov no, txawm yog nws tus kheej tsis tau muab neeg ua kev cai raus dej coob npaum li nws cov thwj tim;
4 Vim nws cia lawv ua li ntawd, los ua yam ntxwv, kom ib leeg hwm ib leeg.
JST, Yauhas 4:26. Piv rau Yauhas 4:24
Vajtswv cog lus tias yuav pub Nws tus Ntsuj Plig rau cov ntseeg tiag.
26 Vim Vajtswv tau cog lus yuav muab nws tus Ntsuj Plig rau cov zoo li ntawd. Thiab cov uas teev tiam nws, yuav tsum teev tiam ntawm sab ntsuj plig thiab ntawm kev tseeb.