JST, Malakaus 8:37–38. Piv rau Malakaus 8:35
Tus uas txaus siab tuag vim yog Yexus yuav tau txais kev cawm seej.
37 Vim tus uas xav cawm nws txoj sia, yuav xiam nws txoj sia; los sis tus uas yuav cawm nws txoj sia, yuav txaus siab muab nws txoj sia tso tseg vim yog kuv; thiab yog tias nws tsis txaus siab muab nws txoj sia tso tseg vim yog kuv, nws yuav xiam nws txoj sia.
38 Tiam sis tus uas yuav txaus siab xiam nws txoj sia vim yog kuv, thiab txoj moo zoo, tus ntawd yuav cawm tau nws txoj sia.
JST, Malakaus 8:42–43. Piv rau Malakaus 8:38
Cov neeg uas txaj muag rau Khetos yuav tsis muaj feem nyob hauv txoj kev sawv rov los thawj zaug, tiam sis cov uas txaus siab tuag rau Khetos yuav los nrog Nws nyob hauv Nws lub yeeb koob.
42 Thiab thaum nws los lawv yuav tsis muaj feem nyob hauv txoj kev sawv rov los ntawd.
43 Vim kuv hais tseeb rau nej tias, Nws yuav los; thiab tus uas muab nws txoj sia tso tseg vim yog kuv thiab vim yog txoj moo zoo, yuav tau nrog nws los, thiab yuav tau hnav nws lub yeeb koob nyob saum huab, nyob ntawm neeg Leej Tub sab tes xis.