21 Ces muaj qee leej tuaj cuag nws, lawv liam nws, hais tias, Vim li cas koj tos txais cov neeg txhaum, thaum koj hais tias koj twb yog Vajtswv Leej Tub.

22 Tiam sis nws teb lawv hais tias, Kuv hais tseeb rau nej hais tias, Txhua txoj kev txhaum uas neeg tau ua, thaum lawv hloov siab lees txim, yuav zam txim pub rau lawv; vim kuv tau los tshaj tawm kev hloov siab lees txim rau neeg tej tub.

23 Thiab kev hais lus saib tsis taus, txawm tias lawv hais lus saib tsis taus leej twg los, yuav zam txim pub rau cov uas los cuag kuv, thiab ua tej hauj lwm uas lawv pom kuv ua.

24 Tiam sis muaj ib txoj kev txhaum uas yuav tsis zam txim rau. Tus uas hais lus saib tsis taus tus Vaj Ntsuj Plig Dawb Huv, yuav tsis muaj hnub tau kev zam txim; tiam sis ntshai yuav raug txiav tawm ntawm lub ntiaj teb. Thiab lawv yuav tau txais kev raug txim mus ib txhis ua lawv tug.

25 Thiab nws hais li no rau lawv vim lawv hais tias, Nws muaj ib tug ntsuj plig tsis huv.