1 Nim no ntsig txog tej yam uas nej sau ntawv tuaj rau kuv, hais tias, Yeej zoo kom ib tug txiv neej tsis txhob kov ib tug poj niam.

2 Txawm li ntawd los, kuv hais tias, kom tsis muaj kev deev nkauj nraug, cia txhua tus txiv neej nyias muaj nyias poj niam, thiab cia txhua tus poj niam nyias muaj nyias txiv.

5 Neb ib leeg tsis txhob ncaim ib leeg, tsuas yog thaum neb sib yeem tias ua li ntawd ib ntus, kom neb thiaj muaj sij hawm los yoo mov thiab thov Vajtswv; thiab rov qab los ua ke, kom Dab Ntxwg Nyoog txhob ntxias tau neb ntawm txoj kev tswj siab.

26 Kuv xav hais tias yog li ntawd qhov no zoo rau lub sij hawm muaj kev ntxhov siab no, kom tus txiv neej nws nyob nws li no es nws thiaj ua tau tej yam zoo dua.

29 Tiam sis kuv hais lus rau nej cov uas Vajtswv hu mus ua hauj lwm qhuab qhia. Vim kuv hais qhov no, cov kwv tij, hais tias, lub sij hawm tshuav luv luv lawm xwb, uas yuav xa nej mus ua hauj lwm qhuab qhia. Lawv cov uas muaj poj niam los, yuav ua zoo li lawv tsis tau muaj; vim tus Tswv hu thiab xaiv nej mus ua tus Tswv txoj hauj lwm.

30 Thiab cov uas quaj ntsuag, yuav ua zoo li lawv tsis tau quaj ntsuag; thiab cov uas xyiv fab, yuav ua zoo li lawv tsis tau xyiv fab, thiab cov uas muas khoom, yuav ua zoo li lawv tsis muaj;

31 Thiab cov uas siv lub ntiaj teb no, yuav ua zoo li tsis siv; vim tus duab yees ntawm lub ntiaj teb no yuav dua mus.

32 Tiam sis cov kwv tij, kuv xav kom nej rau siab ua qhov uas Vajtswv hu nej ua. Kuv xav kom nej txhob muaj kev txhawj xeeb. Vim tus uas tsis yuav poj niam, txhawj txog tej uas yog tus Tswv li, saib nws yuav ua li cas thiaj haum tus Tswv siab, yog li ntawd nws thiaj kov yeej.

33 Tiam sis tus uas yuav poj niam lawm, nws txhawj txog tej uas yog ntawm lub ntiaj teb, saib nws yuav ua li cas thiaj haum nws poj niam siab; yog li ntawd muaj qhov sib txawv, vim tab kaum nws.

38 Yog li ntawd tus uas muab nws tus kheej sib yuav ua zoo; tiam sis tus uas tsis muab nws tus kheej sib yuav ua zoo dua.