9 Thiab Anplas hais tias, tus Tswv uas yog Vajtswv, koj yuav muab thaj av no ua ib qhov qub txeeg qub teg kav ib txhis rau kuv li cas?

10 Thiab tus Tswv hais tias, Txawm yog koj tuag lawm los, kuv yuav tsis muaj peev xwm muab rau koj los?

11 Thiab txawm hais tias koj tuag, los koj tseem yuav tau thaj av no, vim lub sij hawm yuav los, thaum Neeg Leej Tub yuav muaj sia nyob; tiam sis nws yuav ua cas muaj sia nyob yog hais tias nws tsis tuag? yuav tsum xub txhawb nws txoj sia tso.

12 Thiab tau muaj tias, Anplas ntsia mus thiab pom Neeg Leej Tub lub neej, thiab nws zoo siab, thiab nws lub siab nrhiav tau kev so, thiab nws tau ntseeg tus Tswv; thiab tus Tswv tau suav hais tias nws yog ib tug neeg ncaj ncees.