9 Thiab lawv hais rau nws tias, Cia li txav kev. Thiab lawv chim siab rau nws.

10 Thiab lawv hais rau lawv tus kheej tias, Tus txiv neej no tuaj nrog peb nyob tau ib ntus, thiab nim no nws xav muab nws tus kheej tsa ua ib tug txiav txim; nim no peb yuav ua phem rau nws dua li rau nkawd.

11 Vim li ntawd lawv thiaj hais rau tus txiv neej tias, Peb xav tau ob tug txiv neej, thiab koj ob tug ntxhais thiab; thiab peb yuav ua rau lawv raws li peb pom zoo.

12 Nim no qhov no yog raws li txoj kev phem hauv Xaudoos.

13 Thiab Lauj hais tias, Nim no saib seb, kuv muaj ob tug ntxhais uas tseem yog nkauj xwb; kuv thov nej, cia kuv thov kuv cov kwv tij kom kuv tsis txhob coj nkawd tawm tuaj rau nej; thiab nej tsis txhob ua rau nkawd raws li nej lub qhov muag pom zoo;

14 Vim Vajtswv yuav tsis pom zoo rau nws tus tub qhe rau yam no; yog li ntawd, cia kuv thov kuv cov kwv tij, zaum no nkaus xwb, kom nej tsis txhob ua li cas rau ob tug txiv neej no, kom nkawd muaj kev thaj yeeb nyob hauv kuv lub tsev; twb yog vim li no nkawd thiaj tau los nkag rau hauv kuv lub tsev.

15 Thiab lawv chim siab rau Lauj thiab los ze yuav tsoo lub qhov rooj, tiam sis Vajtswv ob tug tim tswv, uas yog neeg dawb huv, cev loo nkawd tes tuaj thiab rub rhe Lauj rov qab los rau hauv tsev, thiab muab lub qhov rooj kaw nkaus rau.