3 Tom qab ntawd Yudas, tus uas tau ntxeev siab rau Yexus, thaum nws pom tias luag txiav txim rau Yexus lawm, nws hloov siab lees txim, thiab nqa peb caug lub nyiaj rov qab mus rau cov thawj ntawm cov pov thawj thiab cov txwj laug,

4 Hais tias, Kuv tau ua txhaum lawm rau qhov kuv tau ntxeev siab rau tus neeg tsis muaj kev txhaum.

5 Thiab lawv hais rau nws tias, Qhov ko muaj dab tsi rau peb? Koj mam xyuas koj; koj tej kev txhaum koj ris koj.

6 Thiab nws muab cov nyiaj ntawd pov rau hauv pem teb hauv lub tuam tsev, thiab tawm mus, thiab mus dai nws caj dab rau ntawm ib tug tsob ntoo. Thiab nws tau poob nthav los, thiab nws plab tawg thiab hnyuv tawm tas, thiab nws tuag.