JST, Lukas 17:21. Piv rau Lukas 17:20–21
Vajtswv lub nceeg vaj twb los lawm.
21 Thiab lawv yuav tsis hais tias, Xyuas seb, nyob ntawm no! los sis, Xyuas seb, nyob tod! Vim, saib seb, Vajtswv lub nceeg vaj twb los rau nej lawm.
JST, Lukas 17:36–40. Piv rau Lukas 17:37
Yexus hais zaj lus piv txwv ntsig txog cov dav kom piav txog Nws Haiv Neeg Ntseeg txoj kev sib sau nyob hauv hnub nyoog kawg.
36 Thiab lawv teb rau nws hais tias, Tus Tswv, yuav coj lawv mus qhov twg?
37 Thiab nws hais rau lawv tias, Qhov twg uas pawg neeg sib sau los ua ke; los yog hais tias, qhov twg uas haiv neeg ntseeg sib sau los ua ke, yuav muab cov dav sib sau los ua ke rau qhov ntawd; los sis, yuav muab cov seem tshuav sib sau los ua ke rau qhov ntawd.
38 Nws hais li no, hais txog txoj kev muab nws haiv neeg ntseeg sau los ua ke; thiab hais txog cov tim tswv nqis los thiab los sau cov seem tshuav los rau lawv; ib tug los hauv txaj los, lwm tus los tom chaw zom zeb los, thiab lwm tus los nram teb los, qhov twg los xij uas tus Tswv xav coj los.
39 Vim yuav muaj tej ntuj ceeb tsheej tshiab, thiab ib lub ntiaj teb tshiab, qhov uas muaj kev ncaj ncees nyob.
40 Thiab yuav tsis muaj ib yam tsis huv; vim lub ntiaj teb twb laus lawm, ib yam li ib lub tsoos tsho, tau maj mam lwj mus, yog li ntawd lub ntiaj teb yuav ploj mus, thiab lub rooj tiag taw tseem dawb huv, ntxuav huv ntawm tag nrho tej kev txhaum.