JST, Yaxayas 42:19–23. Piv rau Yaxayas 42:19–22
Tus Tswv xa Nws tus tub qhe mus qhia cov uas tau xaiv kom lawv tsis pom los yog tsis hnov qhov tseeb; cov uas mloog thiab ua raws li Nws hais ces Nws yuav muab cov ntawd ua kom zoo tag nrho.
19 Vim kuv yuav xa kuv tus tub qhe los rau nej cov uas dig muag; muaj tseeb tiag, ib tug tub xa xov los mus qhib cov neeg dig muag tej qhov muag, thiab ua kom cov lag ntseg hnov lus;
20 Thiab yuav ua kom lawv zoo tag nrho txawm yog lawv dig muag, yog hais tias lawv yuav mloog kuv tus tub xa xov, tus Tswv tus tub qhe.
21 Nej yog ib co neeg, tau pom ntau yam, tiam sis nej tsis saib; tau qhib pob ntseg mloog, tiam sis nej tsis hnov.
22 Tus Tswv twb tsis txaus siab rau ib co neeg zoo li no, tiam sis rau nws txoj kev ncaj ncees nws yuav tsa txoj kev cai kom loj zog thiab ua kom neeg hwm.
23 Nej yog ib co neeg raug luag haub thiab raug luag nyiag; nej cov yeeb ncuab, lawv sawv daws, tau muab tej qhov av cuab nej ntxiab, thiab lawv tau muab nej zais rau hauv tej tsev kaw; lawv tau txhom nej nyiag mus, thiab tsis muaj leej twg tso tau; tej uas lawv nyiag, thiab tsis muaj leej twg hais tias, Muab txum tim rov qab los.