1 Kuv cov kwv tij, nej yuav muaj tsis tau txoj kev ntseeg ntawm peb tus Tswv Yexus Khetos, tus Tswv uas muaj yeeb koob, yog nej tseem xaiv neeg ntsej muag.

14 Yuav muaj nqis dab tsi, kuv cov kwv tij, yog ib tug neeg hais tias nws muaj kev ntseeg, tiam sis tsis muaj tes hauj lwm? kev ntseeg cawm puas tau nws?

15 Muaj tseeb tiag, tej zaum ib tug neeg yuav hais tias, kuv yuav qhia koj tias kuv muaj kev ntseeg uas tsis muaj tes hauj lwm; tiam sis kuv hais tias, Muab koj txoj kev ntseeg uas tsis muaj tes hauj lwm rau kuv saib, es kuv mam muab kuv txoj kev ntseeg los ntawm kuv tes hauj lwm rau koj saib.

16 Rau qhov yog tias ib tug kwv tij los yog tus muam liab qab thiab txom nyem, thiab nej ib tug hais tias, Cia li tawm mus muaj kev kaj siab lug, nyob sov so thiab tsau plab npo; tiam sis nws tsis muab tej yam uas lub cev xav tau; ces nej txoj kev ntseeg muaj nqis dab tsi rau cov zoo li no?

17 Ib yam li ntawd kev ntseeg, yog tsis muaj tes hauj lwm ces twb tsis muaj sia, yog tias nyob ib leeg xwb.

18 Yog li ntawd koj puas paub, auj neeg ruam, hais tias, kev ntseeg uas tsis muaj tes hauj lwm twb tsis muaj sia thiab cawm tsis tau nej dim?

19 Nej ntseeg tias muaj ib tug Vajtswv; nej ua zoo; cov dab phem kuj ntseeg thiab, thiab tshee hnyo; nej tau ua kom nej tus kheej zoo ib yam li lawv, thiab tsis tau hloov los ua neeg ncaj.

20 Anplaham peb yawg koob puas hloov los ua neeg ncaj los ntawm tes hauj lwm, thaum nws muab Ixaj nws tus tub txi nyob saum lub thaj?

21 Nej puas pom tes hauj lwm uas ua los ntawm nws txoj kev ntseeg, thiab los ntawm tes hauj lwm thiaj ua tau txoj kev ntseeg zoo tag nrho?