१ अनि पुनः, साच्चैँ नै म तिमीहरूलाई भन्छु, मेरा मित्रहरू, म तिमीहरूलाई एक आज्ञा दिन्छु, कि तिमीहरूले यहाँ कर्टल्याण्डको भूमिमा, मेरो गृहबाट सुरू सियोनको किलाको शहरको सुरूवात गर्ने छौ र आधार बसाल्न र तयार पार्नका लागि कार्य सुरू गर्ने छौ ।

२ अनि हेर, यो मैले तिमीहरूलाई दिएको नमुनाअनुसार गरिनु पर्छ ।

३ अनि दक्षिणमा प्रथम पटक मलाई अध्यक्षताका लागि गृह निर्माणका लागि, अध्यक्षताको कार्यका लागि, प्रकाशहरू प्राप्त गर्नका लागि; र चर्च र अधिराज्यसँग सम्बन्धित सबै विषयहरूमा अध्यक्षताको सेवाको कार्यका लागि समर्पण गरिनु पर्छ ।

४ साच्चैँ नै म तिमीहरूलाई भन्छु, कि यो भित्री भागमा यसको चौडाइ र लम्बाइमा पचपन्न गुणा पैँसट्ठी फिटको बनाइने छ ।

५ अनि त्यहाँ तल्लो कक्ष र माथिल्लो कक्ष हुने छन्, जुन नमुनाअनुसार तिमीहरूलाई यसपछि दिइने छ ।

६ अनि यो त्यसको आधारदेखि नै परमप्रभुलाई समर्पण गरिने छ, पादरित्वको रीतअनुसार, नमूनाअनुसार जुन तिमीहरूलाई पछि दिइने छ ।

७ अनि यो अध्यक्षताको कार्यका लागि पूर्ण रूपमा परमप्रभुमा समर्पण हुने छ ।

८ अनि तिमीहरूले त्यसमा कुनै पनि अशुद्ध वस्तु ल्याउनु हुँदैन; र मेरो महिमा त्यहाँ हुने छ र मेरो उपस्थिति त्यहाँ हुने छ ।

९ परन्तु यदि त्यहाँ कुनै अशुद्ध वस्तु आयो भने, मेरो महिमा त्यहाँ हुने छैन; र मेरो उपस्थिति यसमा आउने छैन ।

१० अनि पुनः, साच्चैँ नै म तिमीहरूलाई भन्छु, दक्षिणमा दोस्रो पटक मेरा लागि एउटा गृह निर्माण गर्न, मेरा धर्मशास्त्रहरूको अनुवादको मुद्रण कार्यका लागि र मैले तिमीहरूलाई आज्ञा दिने सबै विषयहरूका लागि समर्पण गरिने छ ।

११ अनि भित्री भागमा यसको चौडाइ र लम्बाइ पचपन्न गुणा पैँसट्ठी फिट हुनु पर्छ; र त्यहाँ तल्लो र माथिल्लो कक्ष हुने छन् ।

१२ अनि यस गृहको आधारदेखि नै यो गृह पूर्ण रूपमा मुद्रण कार्यका लागि, परमप्रभुलाई समर्पण गरिने छ, सबै विषयहरूमा जुन म तिमीहरूलाई पवित्र बन्न, निर्दोष हुन आज्ञा दिन्छु, नमुनाअनुसार सबै विषयहरूमा जसरी यो तिमीहरूलाई दिइने छ ।

१३ अनि तेस्रो पटकमा मेरा सेवक हाइरम स्मिथले उनको उत्तराधिकार प्राप्त गर्ने छन् ।

१४ अनि उत्तरमा प्रथम र दोस्रो पटकमा मेरा सेवकहरू रेनाल्ड्स काहून र जेरेड कार्टरले आफ्नो उत्तराधिकार प्राप्त गर्ने छन्—

१५ ताकि तिनीहरूले म, परमप्रभु परमेश्वरले तिमीहरूलाई दिएका आज्ञाअनुसार, मेरा गृहहरू निर्माण गर्नका लागि समिति गठन गर्न मैले तिनीहरूलाई नियुक्त गरेका कार्यहरू तिनीहरूले गर्न सक्छन् ।

१६ यी दुई गृहहरू निर्माण गरिनु हुँदैन जबसम्म म तिमीहरूलाई तिनीहरूका सम्बन्धमा आज्ञा दिने छैन ।

१७ अनि अब यस समयमा म तिमीहरूलाई थप दिने छैन । आमीन ।