१ हेर अनि सुन, हे मेरा चर्चका तिमी एल्डरहरू, जसले आफूलाई एकसाथ एकत्रित गरेका छौ, जसका प्रार्थना मैले सुनेको छु र जसका हृदयहरू मलाई थाहा छ र जसका चाहनाहरू मेरासामु आएका छन् ।

२ हेर अनि अवलोकन गर, मेरा आँखाहरू तिमीहरूमाथि छन् र स्वर्गहरू र पृथ्वी मेरा हातहरूमा छन् र दिनका लागि अनन्तकालका समृद्धि मेरा हुन् ।

३ तिमीहरूलाई अर्पण गरिएको आशीर्वाद तिमीहरूले प्राप्त गर्नुपर्छ भनेर तिमीहरूले विश्वास गर्ने प्रयास गर्‍यौ; परन्तु हेर, साच्चैँ नै म तिमीहरूलाई भन्छु तिमीहरूका हृदयहरूमा डर थियो र साच्चैँ नै यसै कारण तिमीहरूले प्राप्त गरेनौ ।

४ अनि अब, म, परमप्रभु, यी आज्ञाहरूको सत्यताको गवाही तिमीहरूलाई दिन्छु जुन तिमीहरूसामु छ ।

५ तिमीहरूका आँखा मेरा सेवक जोसेफ स्मिथ, जुनियरमाथि छन् र तिमीहरूलाई उनको भाषा र उनका कमजोरीहरू थाहा छ; अनि तिमीहरूले आफ्ना हृदयहरूमा उनको भन्दा राम्रो भाषामा ज्ञान व्यक्त गर्न खोजेका छौ; यो तिमीहरूलाई पनि थाहा छ ।

६ अब, तिमीहरूले आज्ञाहरूका पुस्तकबाट खोज, त्यसमा सबैभन्दा न्यूनतम खोज अनि उसलाई नियुक्त गर जो तिमीहरूमध्ये सबै भन्दा बुद्धिमानी छ;

७ अथवा, यदि तिमीहरूका बीचमा कोही छ जसले यसमा भएको जस्तै एक लेख्न सक्छ भने, त्यो अवस्थामा तिमीहरूले सफाइ दिन्छौ कि तिमीहरूलाई थाहा छैन कि यी सत्य छन्;

८ परन्तु यदि तिमीहरूले यसमा भएको जस्तै एक लेख्न सक्दैनौ भने, यदि तिमीहरूले यी सत्य हुन् भनेर गवाही दिएनौ भने तिमीहरू तिरस्कृत हुने छौ ।

९ किनकि तिमीहरूलाई थाहा छ कि त्यहाँ तिनीहरूमा अधार्मिकता छैन र जुन धर्मी छ त्यो माथिबाट, ज्योतिहरूका पिताबाट आउँछ ।

१० अनि पुनः, साच्चैँ नै म तिमीहरूलाई भन्छु कि यो तिमीहरूको अधिकार हो र मैले दिएको प्रतिज्ञा हो जुन यो परोपकारमा तिमीहरूलाई नियुक्त गरिएको छ, ताकि जति जति तिमीहरूले ईर्ष्याहरू र डरहरूबाट आफूलाई टाढा राख्छौ र आफूलाई मेरासामु विनम्र तुल्याउँछौ, किनकि तिमीहरू पर्याप्त विनम्र छैनौ, पर्दा हटाइने छ र तिमीहरूले मलाई देख्न सक्ने छौ र म हुँ भनेर थाहा पाउने छौ—न त पापमय शरीर न त प्राकृतिक मस्तिष्कबाट, तर आत्मिक मस्तिष्कबाट ।

११ किनकि परमेश्वरको आत्माले जीवन्त बनाएको समयमा बाहेक कुनै मानिसले परमेश्वरलाई कुनै पनि समयमा शरीरमा देखेका छैनन् ।

१२ न त कुनै प्राकृतिक मानिसले परमेश्वरको उपस्थिति सहन सक्छ, न त पापमय मस्तिष्कले ।

१३ तिमीहरू अहिले परमेश्वरको उपस्थिति सहन सक्षम छैनौ, न त स्वर्गदूतहरूको सेवा; यसकारण, जबसम्म तिमीहरू परिपूर्ण बनाइँदैनौ धीरतामा निरन्तरता देऊ ।

१४ तिमीहरूका मस्तिष्कहरूलाई पछाडि फर्कन नदेऊ; अनि जब तिमीहरू योग्य बन्दछौ, मेरा आफ्नै समयमा, तिमीहरूले मेरा सेवक जोसेफ स्मिथ जुनियरका हातहरूबाट प्रदान गरिएका विषयहरू देख्ने छौ र थाहा पाउने छौ । आमीन ।