१ किनकि अविश्वासी पति आफ्नी पत्नीद्वारा पवित्र हुन्छ र अविश्वासी पत्नी आफ्ना पतिद्वारा पवित्र हुन्छिन्; अन्यथा तिमीहरूका छोराछोरीहरू अपवित्र थिए तर अब तिनीहरू पवित्र छन् ।

२ अब, प्रेरितहरूका दिनहरूमा खतनाका नियम यहुदीहरूमाझ अभ्यास गरिन्थ्यो जसले येशू ख्रीष्टका सुसमाचारमा विश्वास गर्दैनथे ।

३ अनि यस्तो हुन गयो कि त्यहाँ खतनाको नियमलाई लिएर मानिसहरू माझ ठूलो विवाद उठ्यो, किनकि अविश्वासी पति आफ्ना बालबालिकाको खतना गरिनुपर्छ र पूर्ण भइसकेको मोशाको व्ययवस्थालाई पालना गरून् भन्ने चाहन्थे ।

४ अनि यस्तो हुन गयो कि ती बालबालिकाहरूलाई मोशाको व्यवस्थामा हुर्काइएका कारण, तिनीहरूले आफ्ना पिता-पुर्खाका परम्पराहरूलाई अनुशरण गरे र येशू ख्रीष्टका सुसमाचारलाई विश्वास गरेनन्, जसका कारण तिनीहरू अपवित्र भए ।

५ यसकारण, परमप्रभुका तर्फबाट नभई आफ्नै तर्फबाट, तिनीहरूलाई एक आज्ञा दिँदै, ती प्रेरितले चर्चलाई लेखे, कि एक विश्वासी कुनै अविश्वासीसँग विवाहित हुनु हुँदैन; जबसम्म मोशाको व्यवस्था तिनीहरूका माझबाट हटाइँदैन,

६ ताकि तिनीहरूका बालबालिकाहरू खतनाबिना रहन सक्छन्; अनि कि त्यो रीतिरिवाज समाप्त हुन सक्छ, जसले भन्छ कि साना बालबालिकाहरू अपवित्र छन्; किनकि यो यहुदीहरू माझ अभ्यास गरिन्थ्यो;

७ परन्तु साना बालबालिकाहरू पवित्र छन्, किनभने तिनीहरू येशू ख्रीष्टको प्रायश्चित्तद्वारा पवित्र पारिएका छन्; र धर्मशास्त्रहरूको अर्थ यही नै हो ।