१ अनि अब मेरा सेवक पार्ली पी. प्राटका सम्बन्धमा, हेर, म उनलाई भन्दछु कि म जसरी जीवित छु म चाहान्छु कि उनले मेरो सुसमाचार घोषणा गर्नु पर्दछ र मबाट सिक्नु पर्दछ, अनि विनम्र र कोमल हृदयको हुनु पर्दछ ।

२ अनि मैले उनीलाई नियुक्त गरेको त्यो हो कि उनी मेरा सेवकहरू, ओलिवर काउड्री र पिटर ह्विटमर जुनियर सँगै लमानीहरूका बीच उजाडस्थानमा जानु पर्दछ ।

३ अनि जिबा पिटरसन पनि तिनीहरूसँग जानु पर्दछ; अनि म आफै पनि तिनीहरूसँगै जाने छु र तिनीहरूका बीचमा हुने छु; र म पितासँग तिनीहरूको अधिवक्ता हुँ र तिनीहरूका विरुद्ध कुनै पनि विषय विजयी हुने छैन ।

४ अनि तिनीहरूले लेखिएका विषयहरूमा ध्यान दिनुपर्दछ र अरू कुनै प्रकाश प्राप्त गरेको दाबी गर्नुहुँदैन; र तिनीहरूले सदासर्वदा प्रार्थना गर्नुपर्दछ ताकि म तिनीहरूको बुझाइमा उही विषय प्रकट गर्न सकूँ ।

५ अनि तिनीहरूले यी वचनहरूमा ध्यान दिनुपर्दछ र बेवास्ता गर्नु हुँदैन र म तिनीहरूलाई आशीर्वाद दिनेछु । आमीन ।