१ हेर, परमप्रभु यसो भन्नुहुन्छ, अल्फा र ओमेगालाई, प्रारम्भ र अन्त्यलाई, उहाँ समेत जसलाई संसारका पापहरूका लागि क्रूसमा टाँगिनु भएको थियो—

२ हेर साच्चैँ नै, साच्चैँ नै, म तिमीलाई भन्छु, मेरा सेवक नुवल नाइट, मैले तिमीलाई नियुक्त गरेको विभागमा तिमी दृढ भएर उभिनु पर्ने छ ।

३ अनि यदि तिम्रा बन्धुहरू आफ्ना शत्रुहरूबाट उम्कन चाहन्छन् भने, उनीहरूले आफ्ना सबै पापहरूको पश्चात्ताप गर्नु पर्छ र मेरासामु साच्चैँ विनम्र र पश्चात्तापी बन्नु पर्छ ।

४ अनि उनीहरूले मसँग गरेका करार तोडिएकाले, यो शून्य र प्रभावहीन भएको छ ।

५ अनि धिक्कार छ उसलाई जसद्वारा यो अपराध आयो, किनकि ऊ समुद्रको गहिराइमा डुबेको भए उसका लागि उपयुक्त हुने थियो ।

६ परन्तु तिनीहरू अशीषित छन् जसले करारलाई पालना गरेका छन् र आज्ञाको पालना गरेका छन् किनकि तिनीहरूले कृपा प्राप्त गर्ने छन् ।

७ यसकारण, अब जाओ र यस भूमिबाट भाग, अन्यथा तिमीहरूका शत्रुहरू तिमीहरूकहाँ आउने छन्; अनि तिमीहरूका यात्रा सुरु गर, अनि तिमीहरूका इच्छाअनुसार कसैलाई आफ्ना अगुवा बन्न र तिमीहरूका लागि पैसा तिर्न नियुक्त गर ।

८ अनि यसरी तिमीहरूले आफ्नो यात्रा पश्चिमी क्षेत्रमा मिजोरीको भूमितर्फ, लमानीहरूका सिमाहरूतर्फ गर्नु पर्छ ।

९ अनि तिमीहरूको यात्रा टुङ्गिएपछि, हेर, म तिमीहरूलाई भन्छु, मैले तिमीहरूका लागि एक स्थान तयार नपारेसम्म अन्य मानिसहरूले जस्तै तिमीहरूले जीविकोपार्जनको खोजी गर ।

१० अनि, पुनः, म नआउन्जेलसम्म महासङ्कटमा धैर्यवान् होऊ; अनि, हेर, म छिट्टै आउँछु, अनि मेरो पुरस्कार मसँगै छ, अनि उनीहरू जसले मलाई सुरुदेखि नै खोजेका छन् आफ्ना जीवात्मामा शान्ति प्राप्त गर्ने छन् । अनुसार समेत । आमीन ।