१ मलाई सुन, मेरा सेवक ओलिवर काउड्रीका लाभका लागि, परमप्रभु तिम्रा परमेश्वर भन्नुहुन्छ । यो ममा ज्ञान होइन कि उनलाई आज्ञाहरू र पैसाहरूका साथ विश्वास गरिनुपर्छ जुन उनले सियोनको भूमिमा लैजाने छन्, जबसम्म कोही सत्य र आस्थावान् व्यक्ति उनीसँग जाँदैनन् ।

२ यसकारण, म, परमप्रभु, चाहन्छु कि मेरा सेवक जोन व्हिट्मर, मेरा सेवक ओलिवर काउड्रीसँग जानुपर्छ;

३ अनि यो पनि कि उनले मेरा चर्चका सम्बन्धमा उनले देखेका र जानकारी प्राप्त गरेका सबै महत्वपूर्ण विषयहरूमा लेख्न र इतिहास बनाउन निरन्तरता दिने छन्;

४ अनि यो पनि कि उनले मेरा सेवक ओलिवर काउड्री र अरूबाट सल्लाह र सहयोग प्राप्त गर्नुपर्छ ।

५ अनि मेरा सेवकहरू पनि जो संसारभर छन्, उनीहरूले आफ्ना रखवारीहरूका विवरण सियोनको भूमिमा पठाउनुपर्छ;

६ किनकि सियोनको भूमि यी सबै विषयहरू गर्ने र प्राप्त गर्ने केन्द्रभूमि र स्थान हुने छ ।

७ यद्यपि, मेरा सेवक जोन व्हिट्मर एक स्थानबाट अर्को स्थानमा र एक चर्चबाट अर्को चर्चमा धेरै पटक यात्रा गर्नुपर्छ, ताकि उनले अझै सहज रूपमा ज्ञान प्राप्त गर्न सक्ने छन्—

८ प्रवचन दिँदै र व्याख्या गर्दै, लेख्दै, प्रतिलिपि बनाउँदै, छनोट गर्दै र सबै विषयहरू प्राप्त गर्दै जुन चर्चका भलाइका लागि हुने छन् र हुर्कदो पिँढीका लागि जो सियोनको भूमिमा हुर्कने छन्, एक सन्तति देखि अर्को सन्ततिसम्म, सदा र सदासर्वदा यसलाई स्वामित्वमा लिन । आमीन ।