१ थोमस, मेरा पुत्र, मेरो कार्यमा तिम्रो आस्थाका कारणले तिमी आशीषित छौ ।

२ हेर, तिम्रो परिवारका कारण तिमीले धेरै कष्टहरू भोगेका छौ; यद्यपि, म तिमी र तिम्रो परिवारलाई आशीर्वाद दिनेछु, हो, तिम्रा साना नानीहरू; र त्यो दिन आउँछ कि तिनीहरूले विश्वास गर्नेछन् र सत्यलाई बुझ्ने छन् र मेरो चर्चमा तिमीसँगै एक हुने छन् ।

३ आफ्नो हृदय उचाल र प्रसन्न होऊ, किनकि तिम्रो सुसमाचार प्रचारको समय आएको छ; अनि बोल्ने क्षमता दिइने छ र तिमीले यस सन्ततिलाई खुशीका महान् सन्देशहरू घोषणा गर्ने छौ ।

४ तिमीले मेरा सेवक, जोसेफ स्मिथ, जुनियरलाई प्रकट गरिएका विषयहरू घोषणा गर्ने छौ । हो, फसल काट्न सेतो भएको खेतमा कटनी गर्न तिमीले यस समयदेखि प्रचार गर्न सुरू गर्ने छौ ।

५ त्यसकारण, आफ्नो सारा आत्माले आफ्नो हँसियाले जोडले हान र तिम्रा पापहरूको क्षमा गरिएको छ र तिमीलाई तिम्रो पीठमा बिटाहरू बोकाइएको हुने छ, किनकि मजदुर आफ्नो ज्यालाको योग्य छ । यसकारण, तिम्रो परिवार जीवित रहने छ ।

६ हेर, साच्चैँ नै म तिमीलाई भन्दछु, केही समयका लागि मात्र तिनीहरूबाट पर जाऊ र मेरो वचन घोषणा गर र म तिनीहरूका लागि स्थान तयार पार्ने छु ।

७ हो, म मानिसहरूका हृदय खोल्ने छु र तिनीहरूले तिमीलाई ग्रहण गर्ने छन् । अनि म तिम्रा हातहरूद्वारा एउटा चर्चको स्थापना गर्ने छु;

८ अनि तिमीले तिनीहरूलाई मजबुत बनाउनु पर्दछ र तिनीहरूलाई एकत्रित हुने समयका लागि तयार पार्नु पर्दछ ।

९ कष्टहरूमा धैर्य गर, आलोचना गर्नेहरूलाई आलोचना नगर । आफ्नो घर विनम्रतामा प्रशासन गर र अडिग होऊ ।

१० हेर म तिमीलाई भन्दछु कि तिमी चर्चका लागि एक चिकित्सक बन्नु पर्दछ, तर संसारका लागि होइन, किनकि तिनीहरूले तिमीलाई ग्रहण गर्ने छैनन् ।

११ म जहाँ चाहान्छु आफ्नो बाटो जाऊ र तिमीले के गर्ने र तिमी कहाँ जाने भनेर त्यो आश्वासीद्वारा तिमीलाई दिइने छ ।

१२ सदैव प्रार्थना गर, अन्यथा तिमी प्रलोभनमा प्रवेश गर्छौ र आफ्नो पुरस्कार गुमाउछौ ।

१३ अन्त्य सम्म आस्थावान् बन र हेर, म तिम्रो साथमा छु । यी शब्दहरू मानिस वा मानिसहरूका होइनन्, तर मेरा हुन्, पिताका चाहनाद्वारा यहाँसम्म कि येशू ख्रीष्ट तिम्रा उद्धारकर्ताका हुन् । आमीन ।