Դաս 16․ Դասի նախապատրաստական նյութ. Հիսուս Քրիստոսը սպասավորում է մեկ առ մեկ
Դաս 16․ Դասի նախապատրաստական նյութ. Հիսուս Քրիստոսը սպասավորում է մեկ առ մեկ, Մորմոնի Գրքի ուսմունքները և վարդապետությունը. Ուսուցչի ձեռնարկ (2021)
Դաս 16․ Դասի նախապատրաստական նյութ, Մորմոնի Գրքի ուսմունքները և վարդապետությունը. Ուսուցչի ձեռնարկ
Դաս 16․ Դասի նախապատրաստական նյութ
Հիսուս Քրիստոսը սպասավորում է մեկ առ մեկ
Նկար
Մեկ առ մեկ, նկարը՝ ըստ Վոլթեր Ռեյնի
Լիառատ երկրում հարություն առած Քրիստոսի սպասավորումը մեզ հզոր ապացույց է տալիս Հիսուս Քրիստոսի աստվածայնության մասին և մի խորիմաստ օրինակ, թե ինչպես սպասավորել մյուսներին: Երբ ուսումնասիրեք այս նյութը, խորհեք թե ինչ կարող եք անել՝ ամրապնդելու ձեր վկայությունը, որ Հիսուս Քրիստոսը ձեր Փրկիչն է: Երբ խորհրդածեք այն մասին, թե Նա ինչպես սպասավորեց, աղոթքով պարզեք, թե ով կարիք ունի զգալու Փրկիչի սերը ձեր միջոցով:
Բաժին 1
Ինչպե՞ս կարող եմ ամրապնդել իմ վկայությունը, որ Հիսուս Քրիստոսը իմ Փրկիչն է
Երեք օրվա խավարից և մեծ կործանումից հետո, որն ազդանշան եղավ այդ ժողովրդին, որ Փրկիչը մահացել էր, մոտ 2500 տղամարդիկ, կանայք ու երեխաներ հավաքվեցին Լիառատ երկրի տաճարի շուրջը: Նրանք մի ձայն լսեցին, որը սկզբում չհասկացան: Երբ նրանք շարունակեցին ականջ դնել, հասկացան, որ դա Երկնային Հոր ձայնն էր, որը ներկայացնում էր Իր Որդուն` Հիսուս Քրիստոսին: (Տես 3 Նեփի 11․1-10) Ապա Փրկիչը իջավ երկնքից և հայտարարեց. «Ահա, ես եմ Հիսուս Քրիստոսը, ում մասին մարգարեները վկայել էին, որ պիտի գա աշխարհ» (3 Նեփի 11.10):
Այս պահի մասին Տասներկու Առաքյալների Քվորումից երեց Ջեֆրի Ռ. Հոլլանդն ասել է.
Նկար
Երեց Ջեֆրի Ռ. Հոլլանդ
«Այդ հայտնությունը և այդ հայտարարությունը Մորմոնի Գրքի ամբողջ պատմության ամենակարևոր և բարձրագույն կետն է: Դա ապացույցն էր և որոշումը, որը հայտնվել և ոգեշնչել էր յուրաքանչյուր Նեփիացի մարգարեի նախորդ վեց հարյուր տարիների ընթացքում: …
Բոլորը նրա մասին էին խոսում, երգում ու երազում էին նրա մասին և աղոթում նրա հայտնվելու համար, և ահա նա փաստորեն այստեղ էր: Ամենակարևոր օրը նրանց համար: Աստված, ով դարձնում է ամեն խավար գիշերը առավոտվա լույս, ժամանել էր։ «Քրիստոսը և Նոր Ուխտը. Մորմոնի Գրքի Մեսիական ուղերձը [1997], 250-51)
Նկար
պատկերակ, ուսումնասիրել
Ուսումնասիրեք դասին նախապատրաստվելիս
Ընթերցեք 3 Նեփի 11.13–17-ը, և փնտրեք, թե ինչ արեցին մարդիկ՝ ամրապնդելու իրենց վկայությունները, որ Հիսուսը հարություն առած Քրիստոսն էր:
Ի՞նչ կարող եք սովորել Հիսուս Քրիստոսի բնավորության մասին Նեփիացիների և Լամանացիների հետ ունեցած Նրա հաղորդակցություններից:
Երեց Վոլթեր Ֆ. Գոնզալեսը Յոթանասունից ուսուցանել է հետևյալը այն մարդկանց փորձառության մասին, ովքեր տեսել էին հարություն առած Քրիստոսին.
Նկար
Երեց Վոլթեր Ֆ. Գոնզալես
«Եկեք ինձ մոտ, որպեսզի կարողանաք շոշափել և տեսնել» [3 Նեփի 18.25]: Սա պատվիրան էր, որ Փրկիչը տվեց հնագույն Ամերիկայի բնակիչներին: Նրանք իրենց ձեռքերով շոշափեցին և իրենց աչքերով տեսան, որ Հիսուսը Քրիստոսն էր: Այս պատվիրանը նույնքան կարևոր է մեզ համար այսօր, որքան նրանց համար իրենց օրերում: Գալով դեպի Քրիստոսը՝ մենք կարող ենք զգալ և «իմանալ անկասկած» [3 Նեփի 11.15], ոչ թե մեր ձեռքերով և աչքերով, այլ ողջ սրտով ու մտքով, որ Հիսուսը Քրիստոսն է:
Քրիստոսի մոտ գալու մի միջոց է՝ ձգտել սրտով սովորել հիմնական ճշմարտությունները: Այդ ժամանակ Աստծո կողմից եկող տպավորությունները մեզ գիտելիք կպարգևեն, որը մենք չենք ստանա այլ միջոցներով:։ («Սովորել մեր սրտով», Ensign կամ Լիահոնա, նոյեմբեր 2012, 81)
Նկար
պատկերակ, գրել
Գրի առեք ձեր մտքերը
Երբ խորհրդածեք Հիսուս Քրիստոսի մասին ձեր վկայության շուրջ, ձեր անձնական օրագրում գրի առեք մի փորձառություն, որն ամրապնդել է ձեր վկայությունը Նրա մասին: Կամ, փոխարենը, դուք կարող եք գտնել մի օրհներգ, որն արտացոլում է, թե ինչ եք զգում Փրկիչի հանդեպ, ապա գրի առեք զգացումները, որ ունենում եք այդ օրհներգը լսելիս կամ երգելիս:
Բաժին 2
Փրկիչի օրինակից ի՞նչ կարող եմ սովորել սպասավորման մասին
Հետո, երբ Փրկիչը յուրաքանչյուր անձի թույլ տվեց շոշափել վերքերը Իր ձեռքերի և ոտքերի վրա, Նա կանչեց տասներկու աշակերտների և բազմությանն ուսուցանեց բազմաթիվ կարևոր ճշմարտություններ (տես 3 Նեփի 11–16): Երբ Հիսուսը պատրաստվում էր հեռանալ, Նա ասաց. «Ես զգում եմ, որ … դուք չեք կարող հասկանալ իմ բոլոր խոսքերը», և Նա կոչ արեց ժողովրդին վերադառնալ իրենց տները, խորհել այն ամենի շուրջ, ինչ Ինքն ուսուցանել էր, և պատրաստվել Իր վերադարձին հաջորդ օրը (3 Նեփի 17.1–3):
Նկար
պատկերակ, ուսումնասիրել
Ուսումնասիրեք դասին նախապատրաստվելիս
Ընթերցեք 3 Նեփի 17.5–10-ը և փնտրեք, թե Տերն ինչպես բարության և կարեկցանքի օրինակ հանդիսացավ , երբ սպասավորում էր ժողովրդի մեջ:
Հետո, երբ Փրկիչը բազմությանը բժշկեց, Նա պատվիրեց, որ բոլոր «նրանց փոքր երեխաները բերվեին» (3 Նեփի 17.11) Իր մոտ, իսկ մյուսները ծնկի իջնեին: Ապա Նա աղոթեց նրանց համար, որն այնքան «մեծ և սքանչելի» էր (հատվածներ 16–17), որ բազմությունը տոգորվեց ուրախությամբ: (Տես 3 Նեփի 17.10–19)
Նախագահ Ջին Բ. Բինգհեմը` Սփոփող միության գերագույն նախագահը, ուսուցանել է Փրկիչի օրինակին հետևելու կարևորության մասին, երբ մենք սպասավորում ենք.
Նկար
Նախագահ Ջին Բ. Բինգհեմ
Ամենից կարևորն այն է, որ իսկական ծառայությունն իրականացվում է մեկ առ մեկ, և դրա շարժառիթը սերն է: Անկեղծ ծառայության արժեքն ու հրաշքը կայանում են նրանում, որ այն իսկապես կյանքեր է փոխում: Երբ մեր սրտերը բաց են և կամենում ենք սիրել ու ընդունել, քաջալերել ու մխիթարել, մեր ծառայության զորությունը անդիմադրելի կլինի: Սերն ունենալով որպես շարժառիթ, հրաշքներ կգործենք: …
Փրկիչը մեր օրինակն է ամեն ինչում. ոչ միայն նրանում, թե ինչ պետք է անենք, այլև նրանում, թե ինչո՞ւ պետք է անենք դա [տես Եփեսացիս 5.2]: («Սպասավորել՝ ինչպես Փրկիչն է անում», Ensign կամ Լիահոնա, մայիս 2018, 106)
Նկար
պատկերակ, խորհել
Խորհեք դասին նախապատրաստվելիս
Մտածեք մեկի մասին, ով գուցե ձեր օգնության կարիքն ունի: Ինչպե՞ս կարող եք հետևել Փրկիչի օրինակին և ցույց տալ բարություն ու կարեկցանք այդ անձնավորության հանդեպ:
