Դաս 7. Ուսուցչի ձեռնարկ. Հիսուս Քրիստոսի զորացնող ուժը
Դաս 7. Ուսուցչի ձեռնարկ. Հիսուս Քրիստոսի զորացնող ուժը, Մորմոնի Գրքի ուսմունքները և վարդապետությունը. Ուսուցչի ձեռնարկ (2021)
Դաս 7. Ուսուցչի ձեռնարկ, Մորմոնի Գրքի ուսմունքներն ու վարդապետությունը. Ուսուցչի ձեռնարկ
Դաս 7․ Ուսուցչի ձեռնարկ
Հիսուս Քրիստոսի զորացնող ուժը
Մորմոնի Գիրքն ընդլայնում է մեր հասկացողությունը Փրկիչի Քավության ըմբռնման և խորության մասին: Դրանից մենք սովորում ենք, որ Հիսուս Քրիստոսը ոչ միայն մեզ հնարավորություն է տալիս մաքրվել մեղքից, այլ նաև կարող է մխիթարել և օգնել մեզ մեր տկարությունների և թույլությունների միջոցով: Այս դասի ընթացքում ուսանողները հնարավորություն կունենան բացատրելու և վկայելու այս վարդապետության մասին: Ուսանողներին նաև հնարավորություն կտրվի պարզելու, թե նրանք ինչ կարող են անել, որպեսզի Տիրոջ շնորհը հետագայում հրավիրեն իրենց կյանք:
Ուսուցման առաջարկներ
Բարելավել մեր ուսուցումն ու ուսումնասիրությունը
Երբ սկսեք, մտածեք ուսանողների մասին։ Ուսանողները դասի են գալիս նախնական փորձով, գիտելիքներով և հարցերով: Մենք կարող ենք թույլ տալ, որ սովորողների ներկայիս ըմբռնումը ելակետ լինի, երբ ուղղորդում ենք նրանց ուսման գործընթացում: Այս դասընթացում, երբ սկսում եք դասը կամ սկսում եք խոսել որոշակի թեմաների մասին, հաշվի առեք, թե ինչպես կարող եք բացահայտել, թե ուսանողներն ինչ հարցեր և գաղափարներ են ցանկանում քննարկել, ապա հարմարեցրեք ձեր ծրագրերը՝ ինչպես Հոգին է ուղղորդում:
Ալմա Կրտսերը ուսուցանում է Գեդեոնի մարդկանց, որ Տերը կսատարի Իր ժողովրդին
Ցուցադրեք հետևյալ նկարները և հարցրեք. «Ի՞նչ մաքառումներ, ցավեր ու տառապանքներ կարող ենք տանել, որոնք մեղսավոր ընտրությունների արդյունք չեն»: (Ուսանողների պատասխանները թվարկեք գրատախտակին:)
Մի րոպե տվեք ուսանողներին խորհելու (և գուցե գրելու) որոշ մարտահրավերների մասին, որոնք ցավ կամ տառապանք են պատճառել իրենց կամ նրանց, ում իրենք սիրում են:
Հիշեցրեք ուսանողներին, որ երբ Ալմա Կրտսերը սպասավորում էր Գեդեոնի հավատարիմ ժողովրդին, սովորեցրեց նրանց, թե Փրկիչի տառապանքներն ինչպես կարող են օգնել նաև ցավերի և տառապանքների ժամանակ, որոնք չեն պատճառվել մեղքով: Հանձնարարեք ուսանողներին կրկնել Ալմա 7.11–12 և փնտրել ցանկացած արտահայտություն, որն առանձնանում է նրանց համար: Հրավիրեք նրանց բացատրել իրենց գտածի իմաստը, և ինչո՞ւ է դա իրենց համար կարևոր:
Որպեսզի օգնեք ամրապնդել ուսանողների ըմբռնումը Փրկիչի մասին՝ իմանալով, թե ինչպես պետք է սատարել Նրա ժողովրդին, կարող եք կիսվել Տասներկու Առաքյալների Քվորումից Երեց Ջեֆրի Ռ. Հոլանդի հետևյալ խոսքերով.
Նկար
Երեց Ջեֆրի Ռ. Հոլլանդ
[Սատարել] բառը հաճախ է օգտագործվում սուրբ գրություններում՝ նկարագրելով Քրիստոսի հոգատարությունը և ուշադրությունը մեր հանդեպ: Այն բառացիորեն նշանակում է «օգնել»: Ինչպիսի հոյակապ միջոց է՝ արտահայտելու Փրկիչի հրատապ ջանքերը հանուն մեզ։ Երբ Նա կանչում է մեզ գալ Իր մոտ և հետևել Իրեն, Նա նաև անպայման շտապում է օգնել մեզ։ («Եկեք ինձ մոտ» [Church Educational System fireside for young adults, Mar. 2, 1997], 9, speeches.byu.edu)
Ալմա 7.11–12-ի ուսմունքները քննարկելուց հետո օգնեք ուսանողներին գտնել մի սկզբունք, որը նման է հետևյալին. Փրկիչն Իր վրա վերցրեց մեր ցավերը, հիվանդություններն ու գայթակղությունները, որպեսզի Նա կարողանա սատարել մեզ, երբ բախվում ենք մահկանացության մարտահրավերներին:
Ինչո՞ւ է կարևոր հասկանալ Փրկիչի Քավության վարդապետության այս կողմը:
Ի՞նչ է ձեզ սովորեցնում այս ճշմարտությունը Հիսուս Քրիստոսի բնույթի և բնավորության մասին:
Այս ճշմարտության հանդեպ հավատն ինչպե՞ս կարող է օգնել ձեզ կամ ձեր սիրելի մարդկանց անձնական մարտահրավերների ժամանակ:
Ե՞րբ եք զգացել, որ Փրկիչը ձեռք է մեկնում, մխիթարում կամ զորացնում ձեզ, երբ փորձություններ եք ունենում ձեր կյանքում:
Տերը Մորոնիին ուսուցանում է Իր շնորհի զորության մասին։
Ցույց տվեք ուղեկցող նկարը և հրավիրեք մի ուսանողի բացատրել, թե Մորոնին ինչպես էր վերաբերվում սուրբ գրություններ գրելու իր ունակությանը: (Անհրաժեշտության դեպքում ուսանողների հետ վերանայեք Եթեր 12.23–25-ը:)
Կարող եք ուսանողներին խնդրել մի րոպե հատկացնել և գրել ու մտածել իրենց մի քանի թերությունների և թույլ կողմերի մասին:
Միասին կարդացեք Եթեր 12.27-ը և հրավիրեք ուսանողներին փնտրել սկզբունքներ, որոնք կարող են օգնել մեզ Տիրոջ ձևով նայել մեր թուլություններին: Ուսանողները կարող են բացահայտել նմանատիպ մի սկզբունք․ Երբ մենք գալիս ենք դեպի Տերը, Նա օգնում է մեզ ճանաչել մեր թուլությունը: Ճանաչելով մեր թուլությունը՝ կարող ենք խոնարհ դառնալ: Երբ մենք խոնարհեցնում ենք մեզ և հավատում ենք Փրկիչին, Նրա շնորհը կարող է մեր թույլ կողմերը դարձնել ուժեղ կողմեր: Ցուցադրեք ուսանողների կողմից հայտնաբերված ճշմարտությունները, որպեսզի նրանք կարողանան վկայակոչել դրանք հետևյալ վարժության մեջ:
Բարելավել մեր ուսուցումն ու ուսումնասիրությունը
Օգնեք ուսանողներին իմանալ և հասկանալ սկզբունքներն ու վարդապետությունը: Երբ ուսանողները սուրբ գրությունների և մարգարեների խոսքերից բացահայտեն սկզբունքներն ու վարդապետությունը, օգնեք նրանց հասկանալ այս ճշմարտությունների իմաստներն ու նրբությունները, և թե ինչպես կարող են այդ ճշմարտությունները ազդել նրանց կյանքի վրա: Այս գիտելիքն ու ըմբռնումը կարող են գալ այն ժամանակ, երբ ուսանողները բացատրում են վարդապետության մի դրույթ կամ սկզբունք և կիսվում են դրան վերաբերող օրինակներով ու փորձով: Աղոթեք հարցեր տալու օգնության համար, որոնք ուսանողների միտքն ու սրտերը բացում են իրենց կողմից բացահայտված սկզբունքների համապատասխանության և կարևորության համար:
Հրավիրեք ուսանողներին դասարանով կամ փոքր խմբերով բացատրել, թե իրենց համար ինչ են նշանակում այդ սկզբունքները:
Որպեսզի օգնեք ուսանողներին ավելի խորը մտածել և զգալ այս սկզբունքները, կարող եք ցուցադրել հետևյալ հարցերից մի քանիսը և ուսանողներին թույլ տալ, որ ընտրեն, թե որոնք են միասին քննարկելու: Հավանաբար ժամանակ չի լինի դրանք բոլորը քննարկելու համար:
Վկայեք (կամ ուսանողին հրավիրեք վկայել) Փրկիչի Քավության, հատկապես Նրա զորության մասին, որն օգնում է մեզ հաղթահարել տառապանքը, վիշտը, թուլությունը և թերությունը:
Ուսանողներին ժամանակ տվեք խորհելու կամ գրանցելու անձնական տպավորությունները, որոնք նրանք զգացել են այսօր դասի ընթացքում: Դուք կարող եք հրավիրել նրանց քննարկել հետևյալ հարցերը. Ի՞նչ եք կարծում, Տերը ինչ կցանկանար, որ դուք անեիք՝ Իր շնորհի ավելի մեծ հասանելիությունը ձեռք բերելու համար: Ի՞նչ կարող եք անել, որպեսզի ավելի մեծ խոնարհությամբ և հավատով առ Քրիստոս մոտենաք որևէ թուլության, որի դեմ պայքարում եք ներկայումս:
Հաջորդ անգամ
Ուսանողներին խնդրեք քննարկել, թե ինչ հարցեր ունեն նրանք հոգևոր աշխարհի, Հարության կամ Վերջին դատաստանի վերաբերյալ: Երբ նրանք պատրաստվեն հաջորդ դասին, հրավիրեք նրանց մտածել այն մասին, թե ինչ են անում հետմահու կյանքին պատրաստվելու համար:
