Mateo 2; Lucas 2

Si Maria ug Jose mibiyahe ngadto sa Betlehem, diin didto natawo si Jesus. Ang mga anghel nagpahibalo sa Iyang pagkatawo ngadto sa mga magbalantay sa karnero. Si Jesus gipresentar diha sa templo. Si Simeon ug Ana mipamatuod sa Iyang matubsanong misyon. Sa dihang bata pa si Jesus, Maalamong mga Tawo gikan sa sidlakan mibisita ug miampo Kaniya. Gipasidan-an si Jose pinaagi sa damgo sa daotan nga intensyon ni Herodes sa pagpatay kang Jesus, mao nga iyang gidala ang iyang pamilya ngadto sa Ehipto aron luwas sila. Mimando si Herodes sa pagpatay sa gagmayng mga bata sa palibot sa Betlehem. Nasayran ni Jose pinaagi sa damgo ang kamatayon ni Herodes ug midala sa iyang pamilya ngadto sa Nazaret. Sa dihang 12 anyos na si Jesus, mitudlo Siya diha sa templo.

Mga Kapanguhaan

Background ug Konteksto

Mateo 2:1–12

Unsa ang atong nahibaloan mahitungod sa Maalamong mga Tawo?

Adunay daghang pangagpas mahitungod sa pagkatawo, gigikanan, gidaghanon, ug mga ngalan sa Maalamon nga mga Tawo. Apan si Mateo wala mohatag niini nga mga detalye. Iyang gigamit ang Griyegong pulong nga magi nga nagpasabot sa mga lalaki. Ang pulong nagpasabot ngadto sa usa ka karaan nga grupo sa mga astronomo ug mga pari nga nasakop ngadto sa Zoroastrian nga relihiyon sa Persia. Bisan paman kon si kinsa ang Maalamon nga mga Tawo o asa sila gikan, ang ilang pagbisita nagpakita “nga sila mga matarong nga mga tawo nga gisugo aron mosaksi sa presensiya sa Anak sa Dios sa yuta.”

Ang saktong oras sa pagbisita sa Maalamon nga mga Tawo wala masayri. Pero, ang Mateo 2:11 nagsugyot nga dugaydugay na nga panahon ang milabay sukad sa pagkatawo ni Jesukristo. Nakit-an sa Maalamon nga mga Tawo si Jesus didto sa usa ka “balay,” dili sa pasongan, ug Siya usa ka “bata,” dili usa ka masuso.

Mateo 2:11

Unsa ang atong nasayran mahitungod sa mga gasa nga gihatag sa Maalamon nga mga Tawo ngadto ni Jesus?

Ang Maalamon nga mgaTawo nagdala og mga gasa nga bulawan, insenso ug mirra aron sa pagtahod ug pagsimba ni Jesus.

Ang bulawan dugay na nga gihatagan og bili sa kasinaw, kanindot, maporma bisan unsa, ug dili taguktukon ug matay-an. Ang mga tawo sa tibuok karaang kalibotan milambigit sa bulawan ngadto sa pagkahari, pagka-imortal, ug pagkadios.

Ang insenso naggikan sa Arabia ug sa amihanang Africa. Usa kini ka pinaugang kahoy nga resin nga gigamit diha sa mga pahumot ug sa insenso liboan na ka katuigan. Sa kasaysayan, ang insenso adunay dakong bili nga palaliton. Sunogon kini isip usa ka insenso panahon sa pagsimba sa templo sa karaang Israel.

Ang mirra usa usab ka pinauga nga resin gikan sa usa ka tunokon nga kahoykahoy ug mga kahoy nga makit-an sa Arabia ug amihanang Africa. Ang mirra gigamit diha sa mga pahumot, insenso, ug mga tambal sa liboan na ka katuigan. Ang karaang mga Israelita migamit sa mirra sa pagsimba sa templo isip usa ka sagol sa balaang pagdihog nga lana sa pagdihog sa mga hari, mga pari, ug ang tabernakulo.

Mateo 2:1–8, 16–18

Unsang klase nga tawo si Hari Herodes?

Ang mga tagsulat sa kasaysayan mipasabot sa Herodes nga nahisgotan diha sa Mateo 2 ug Lucas 1:5 isip ang Bantogang Herodes. Ang mga lider sa Romano mitudlo ni Herodes isip hari sa Juda bisan paman kon dili siya Judeo. Si Herodes nagmando gikan sa 37 BC hangtod 4 BC. Siya nailhan sa pagpatukod og nagkadaiyang bilding nga mga proyekto, lakip na ang pagtukod usab sa templo sa Jerusalem. Si Herodes usab usa ka imoral ug dili masaligan nga tawo. Panahon sa iyang kinabuhi, siya misugo sa pagpapatay sa usa sa iyang asawa, tulo sa iyang mga anak nga lalaki, ug uban pang mga tapik nga sakop sa pamilya.

Gibati nga nahagit sa pagkatawo ni Jesus, ang tinuod nga Hari sa mga Judeo, si Herodes misugo sa pagmasaker sa mga bata kinsa dos anyos ug mas bata pa ang pangidaron diha sa Betlehem ug sa naglibot nga rehiyon.

Lucas 2:1–7

Unsa ang mga kahimtang sa pagkatawo sa Manluluwas?

Ang Betlehem gibanabana nga 90 ka milya (145 ka kilometro) sa amihanang Nazaret, diin si Jose ug Maria namuyo. Ang biyahe padulong sa Jerusalem mga labing minos upat hangtod lima ka adlaw kon maglakaw—seguro mas dugay alang sa magtiayon, kon hunahunaon ang kahimtang ni Maria.

Ang King James nga Biblia naggamit og “puy-anan” alang sa Griyegong pulong nga kataluma nga makita diha sa Griyegong Bag-ong Tugon. Kini nga pulong samtang gigamit kini sa Lucas 2:7 nagpasabot nga “puy-anan nga dapit” o “lawak sa bisita.” Ang Griyegong pulong nga kataluma gigamit usab sa Lucas 22:11 ug nagpasabot sa lawak diin si Jesus ug ang Iyang mga disipulo nagsalo sa Kataposang Panihapon. Niini ang pulong mahimong hubaron nga “lawak sa bisita.” Ang lawak sa bisita kasagaran ang ibabaw nga lawak. Ang Lucas 2:7 nagsulti nga walay lawak alang kang Maria ug sa bag-ong natawo nga Jesus diha sa lawak sa bisita.

Niini nga rason, mahimong nagpabilin sila sa silong, diin didto gibutang ang mga hayop kon magabii ug mokaon sa pasongan. Ang ubos nga bahin mahimong mao ang lokasyon sa natawhan sa Manluluwas.

Ang kaandam sa Manluluwas nga matawo sa mapainubsanong mga kondisyon nagpakita sa usa ka paagi nga Siya mikunsad “ sa tanan nga mga butang.”

Lucas 2:7

Unsa ang mga “bakbak”?

Ang mga bakbak kasagaran mga habol o mga ginunting nga panapton nga hugot nga giputos sa gagmayng mga masuso. Ang pagbakbak nagpasabot og “pagputos sa komportable nga paagi.”

Lucas 2:22–24

Nganong si Maria mipahigayon og paghalad diha sa templo?

Sumala sa balaod ni Moises, ang mga babaye sa seremonyal nga paagi mahugaw human sa pagpanganak. Aron malimpyo, gikinahanglan ni Maria moadto sa templo ug mosakripisyo. “Apan kon dili siya makahimo paghatag ug nating karnero, magdala siya ug duha ka buok [tukmo] o duha ka kuyabog nga salampati.” Nga si Maria midala sa mga tukmo ug mga salampati imbis nga unta usa ka nating karnero nagpaila nga siya pigado.

Lucas 2:40, 46–47

Unsay atong nahibaloan mahitungod sa pagkabata ni Jesus?

Si Elder James E. Talmage misulat, “ang pagkabatan-ong lalaki ni [Jesus] mao ang usa ka tinuod nga pagkabatan-on, ang Iyang paglambo gikinahanglan ug ingon ka tinuod sa tanan nga mga bata.” Samtang Siya midako, si Jesus “mitubo sa kaalam ug sa gidak-on, ug sa kahimuot kaniya sa Dios ug sa tawo.” Sa dihang 12 na si Jesus, nakita ni Maria ug Jose nga nakig-istorya sa “mga doktor,” o sa mga magtutudlo, diha sa templo. Ang Hubad ni Joseph Smith nagpadayag nga kining mga tawhana “sila naminaw kaniya, ug nangutana kaniya og mga pangutana” imbis hinoon nga lahi unta. Si Propeta Joseph Smith nagtudlo, “Sa dihang usa pa ka batan-on si [Jesus] nakaangkon Siya sa tanan nga salabotan nga gikinahanglan aron makapahimo Kaniya sa pagdumala sa gingharian sa mga Judeo, ug makahimo sa pagpangatarongan uban sa labing mga maalamon ug labing bantogan nga mga magtutudlo sa balaod ug pagkabalaan, ug mohimo sa ilang mga teyoriya ug binuhatan nga ingon og binuang itandi sa kaalam nga Iyang naangkon.”

Pagkat-on pa og Dugang

Ang Pagkatawo ni Jesus

Russell M. Nelson, “Ang Kalinaw ug Hingpit nga Kalipay nga Mahibalo nga ang Manluluwas Buhi,” Liahona, Dis. 2011, 19–23
Eric D. Huntsman, “Glad Tidings of Great Joy,” Ensign, Dec. 2010, 52–57

Ang mga Mago

Wendy Kenney, “Kaming Tulo ka mga Hari,” Liahona, Dec. 2011, 12–15

Media

Mga Bidyo

Mga Imahe

Si Jose nagguyod sa asno nga gisakyan sa nagsabak nga si Maria

mga anghel nagpakita ngadto sa mga magbalantay sa karnero — The Announcement of Christ’s Birth to the Shepherds [Ang Pagpahibalo sa Pagkatawo ni Kristo ngadto sa mga Magbalantay], ni Del Parson

mga magbalantay sa karnero nagtan-aw sa masuso nga si Jesus — The Birth of Jesus [Ang Pagkatawo ni Jesus], ni Carl Heinrich Bloch

Si Maria ug Jose nagdala sa usa ka halad nga mga tukmo ngadto sa templo

ang batan-ong Jesus nagtudlo diha sa hagdanan sa templo