“Fi yo nan Dezè a,” Istwa Liv Mòmon yo (2023)
Fi yo nan Dezè a
“Mache avèk Senyè a.”
Pitit fi Izmayèl yo te vwayaje avèk fanmi yo nan dezè a. Vwayaj la te rèd. Apre kèk tan, yo te marye avèk pitit gason Leyi ak Sarya yo.
Yon jou, Izmayèl te mouri. Pitit fi li yo te te tris anpil. Yo te regrèt papa yo. Pitit fi yo te enkyete yo pou yo ak fanmi yo pa ta mouri nan dezè a tou. Yo te fache avèk Leyi ak Nefi, epi yo te vle retounen Jerizalèm.
Vwa Senyè a te pale avèk pitit fi Izmayèl yo ak fanmi yo. Yo te repanti, epi Seyè a te beni yo.
Fi yo te fè pitit nan dezè a. Sarya te fè de lòt pitit gason tou, Jakòb ak Joseph.
Senyè a te ede fi yo nan vwayaj yo a. Li te beni yo avèk anpil lèt pou tibebe yo. Li te ede fi yo vin pifò pandan y ap vwayaje.
Senyè a te di L ap mennen pitit fi yo ak fanmi yo nan yon tè pwomiz. Senyè a te pwomèt fanmi yo yo t ap gen tout sa yo bezwen pandan y ap vwayaje. Li te fè manje lachas yo a bon pou manje, epi L te gide yo.
Apre yuitan nan dezè a, fanmi yo re rive bò lanmè a. Fi yo te rejwi avèk fanmi yo. Tè bò lanmè a te bèl Yo te rele l Abondans paske l te chaje avèk fui ak myèl pou manje. Senyè a te prepare tout sa pou yo.