Tufa’a 40
E heheura’a tei hōro’ahia mai ia Iosepha Semita te peropheta ’e ia Sidney Rigdon, i Fayette, i New York, i te 6 nō Tēnuare 1831. Nā mua a’e i te pāpa’ira’a i teie nei heheura’a, tē fa’ati’a ra te ’ā’amu nō te peropheta ē, « Nō te mea ’ua fa’aru’e ’o James [Covel] i te parau a te Fatu ’e ’ua ho’i atu i tōna mau mana’o tumu tahito ra ’e tōna mau ta’ata tahito, ’ua hōro’a mai ïa te Fatu i teie heheura’a i raro nei iā’u nei ’e ia Sidney Rigdon » (hi’o i te tufa’a 39).
1–3, Nō te mata’u i te hāmani-’ino-ra’a ’e te ha’apa’ora’a i te mau mea nō teie nei ao e fa’aru’e ai te ta’ata i te ’evanelia.
1 Inaha, ’oia mau tē parau atu nei au ia ’ōrua, ’ua ti’a te ’ā’au o tō’u tāvini ra ’o James Covel i mua iā’u nei, nō te mea ’ua fafau mai ’oia iā’u nei ē e ha’apa’o ’oia i tā’u parau.
2 ’E ’ua fāri’i ’oia i te parau ma te ’oa’oa ; terā rā ’ua fa’ahema ’oi’oi mai Sātane iāna ; ’e nō tōna mata’u i te hāmani-’ino-ra’a ’e tōna ha’apa’ora’a i te mau mea nō teie nei ao, ’ua pāto’i ’oia i te parau.
3 Nō reira ’ua ’ōfati ’oia i tā’u fafaura’a, ’e tei iā’u nei te ravera’a iāna mai te au i tō’u nei hina’aro. ’Āmene.