Tufa’a 126
E heheura’a tei hōro’ahia mai nā roto ia Iosepha Semita te peropheta, i roto i te fare nō Brigham Young, i Nauvoo, i Illinois, i te 9 nō Tiurai 1841. I teie taime ’o Brigham Young ïa te peresideni nō te Tino ’Ahuru Ma Piti.
1–3, ’Ua ha’apoupouhia Brigham Young nō tāna mau ’ohipa, ’e ’aita ’oia i tītau-fa’ahou-hia ’ia rātere atu i te mau fenua ’e’ē.
1 E tō’u taea’e here-maita’i-hia, e Brigham Young, ’oia mau tē nā ’ō mai nei te Fatu ia ’oe na : E tō’u tāvini e Brigham, ’aita ’oe e tītau-fa’ahou-hia ’ia fa’aru’e atu i tō ’oe ’utuāfare mai te mau taime i ma’iri a’enei, nō te mea ’ua fāri’i au i tā ’oe ō.
2 ’Ua ’ite mata ho’i au i tā ’oe ’ohipa ’e tō ’oe itoito i te mau terera’a nō tō’u nei i’oa.
3 Nō reira tē fa’aue atu nei au ia ’oe ’ia fa’atae atu i tā’u parau i te mau vāhi ato’a, ’e ’ia poihere māite ’oe i tō ’oe ’utuāfare mai teie taime atu ā, mai teie nei ē a muri noa atu. ’Āmene.