Tufa’a 22
E heheura’a tei hōro’ahia mai nā roto ia Iosepha Semita te peropheta, i Manchester, i New York, i te 16 nō ’Ēperēra 1830. ’Ua hōro’ahia mai teie heheura’a i te ’Ēkālesia nō te mea ’ua hina’aro te tahi pae ’o tei bāpetizohia nā mua atu ’ia ’āmui mai i roto i te ’Ēkālesia ma te ’ore e bāpetizo fa’ahou.
1, ’Ua riro te bāpetizora’a ’ei Fafaura’a ’āpī ’e te mure ’ore ; 2–4, E mea tītauhia te bāpetizora’a i ha’amanahia.
1 Inaha, tē parau atu nei au ia ’outou na ē, ’ua fa’a’orehia e au te mau fafaura’a tahito ato’a nā roto i teie nei mea ; ’e e fafaura’a ’āpī ho’i teie, ’e te mea mure ’ore ho’i, ’oia ’o te reira ’o tei vai mai te mātāmua mai ā.
2 Nō reira, ’ia hānere noa atu tō te ta’ata nei bāpetizora’ahia, ’aita ’oia e faufa’ahia i te reira, nō te mea ’aita roa e ti’a ia ’outou ia ō mai i te ’ūputa piriha’o nā roto i te ture a Mose, ’eiaha ato’a nā roto i tā ’outou mau ’ohipa pohe.
3 Nō te mea nō tā ’outou mau ’ohipa pohe i fa’ati’a ai au i teie nei fafaura’a hope’a ’e i teie nei ’ēkālesia ’ia fa’ati’ahia mai iā’u nei, mai te au i tō te mau mahana i muta’a ihora.
4 Nō reira, ’a tomo mai ’outou nā te ’ūputa, mai te au i tā’u i fa’aue ra, ’e ’eiaha e tāmata i te fa’aa’o i tō ’outou Atua. ’Āmene.