Benneg 22
Paltiing a naited babaen ni Joseph Smith a Propeta, iti Manchester, Nueva York, idi Abril 1830 (History of the Church, 1:79–80). Naited daytoy a paltiing iti Simbaan a bunga ti sumagmamano nga immun-una a nabuniagan nga agtarigagay a makikaysa iti Simbaan a saanen a maulit a mabuniagan.
1, Baro ken agnanayon a katulagan ti panagbuniag; 2–4, Kasapulan ti panagbuniag nga akmen dagiti umno nga agrebbeng.
1 Adtoy, kunak kadakayo nga ibilinko nga aggibus amin dagiti daan a katulagan iti daytoy a banag; ket daytoy ti baro ken agnanayon a katulagan, a nangrugi manipud pay idi punganay.
2 Gapuna, uray pay no maminggasut a mabuniagan ti tao awan ti maganabna, ta saankayo a makastrek iti nailet a ruangan babaen ti paglintegan ni Moises, wenno babaen dagiti natay nga aramidyo.
3 Ta dagiti natay nga aramidyo ti nakaigapuan nga imbilinko daytoy maudi a katulagan ken mabangon daytoy a simbaan kaniak, a kas kadagiti nagkauna nga aldaw.
4 Gapuna, sumrekkayo iti dayta a ruangan, a kas imbilinko, ket diyo panggepen a bagbagaan ti Diosyo. Amen.