1 Kisa ki volonte Senyè a konsènan sen yo ki nan teritwa Iowa a?

2 An verite, Senyè a di, m di w, si moun ki ^apote non mwen yo epi k ap eseye vin tounen sen mwen yo, si yo vle fè volonte m epi si yo respekte kòmandman m yo pou tèt pa yo, se pou yo rasanble tèt yo ansanm nan plas m te tabli pou yo pa mwayen sèvitè m nan, Joseph la, epi pou yo bati vil nan non mwen, pou yo kapab prepare pou sa ki rezève pou tan k ap vini.

3 Se pou yo bati yon vil nan non mwen sou tè ki anfas avèk vil Nauvoo a, epi se pou yo mete non ^aZarayemla sou li.

4 Epi Senyè a di, se pou tout moun ki soti nan lès, ak nan lwès, ak nan nò, ak nan sid, ki vle abite nan vil sa a, pran eritaj ladan l, tankou nan vil ^aNashville la, oubyen vil Nauvoo a, ak tout ^bpye m tabli yo.