2 Nefii

Caaffata qulqullaa’aa

Macaafa Mormoon

Seensaa fi Dhuga Baatota
1 Nefii
2 Nefii
Yaaqoob
Enoos
Jaarom
Oomnii
Dubbiiwwan Mormoon
Mozaayyaa
Almaa

2 Nefii

Boqonnaa 1
Lehiin waa’ee biyya birmadummaa raajii in dubbate—Sanyiin isaa Qulqulluu kan Israa’eliin fudhachuu yoo didan isaan in faffaca’u, akkasumas in rukutamu—Inni akka ilmaan isaa mi’a lolaa isa kan qajeelummaa uffataniif in gorse. Naannoo bara 588–570 Dh.K.D.
Boqonnaa 2
Furiin Masihii isa Qulqulluu keessaan dhufa—Filannoon bilisaa (kaka’umsa ofiitiin filachuun) jiraachuufi guddachuudhaaf barbaachisaadha—Namoonni akka jiraataniif Addaam in kufe—Namoonni birmadummaa fi jireenya bara baraa filachuudhaaf bilisadha. Naannoo bara 588–570 Dh.K.D.
Boqonnaa 3
Yoseef Gibxii keessatti warra Nefii mul’ataan in arge—Inni waa’ee Yoseef Ismiiziin, abbaa mul’ataa guyyaa boodaa isa Museen warra Israa’eliin in oolcha jedhee; akkasumas dhufaatii Macaafa Mormooniin raajii in dubbate. Naannoo bara 588–570 Dh.K.D.
Boqonnaa 4
Lehiin sanyii isaa in gorse, akkasumas in eebbise—Inni in du’e akkasumas in awwaalame—Nefiin gaarummaa Waaqayyoo in jaje—Nefiin amanannaa isaa bara baraan Gooftaa irra in kaa’ate. Naannoo bara 588–570 Dh.K.D.
Boqonnaa 5
Warri Nefii warra Laamaan irraa addaan of in baasan, seera Musees in eegan, akkasumas mana qulqullummaa in ijaaran—Sababii hir’ina amantii isaaniitiin warri Laamaan fuula Gooftaa duraa addan in ba’an, in abaaramanis, akkasumas warra Nefiitti dha’icha in ta’an. Naannoo bara 588–559 Dh.K.D.
Boqonnaa 6
Yaaqoob seenaa Yihudootaa: Warra Baabiloniin booji’amuu akkasumas deebi’uu; waa’ee tajaajilaa fi fannifamuu Qulqulluu kan Israa’eliin; gargaarsa warra Ormoota irraa fudhatamee; akkasumas Yihudoonni guyyaa boodaatti yeroo Masihichatti amananitti iddootti deebi’uu isaanii irra deebi’ee in dubbate. Naannoo bara 559–545 Dh.K.D.
Boqonnaa 7
Yaaqoob Isaayaas irraa dubbisuu itti in fufe: Isaayaas akkuma masihiitti in dubbate—Masiihichi arraba warra baratanii ni qabaata—Inni warraisa rukutaniif dugda isaa ni kenna—Inni hin yeella’u—Isaayaas 50 wajjin waliin madaali. Naannoo bara 559–545 Dh.K.D.
Boqonnaa 8
Yaaqoob Isaayaas irraa dubbisuu itti in fufe: Guyyoota boodaa keessatti, Gooftichi Xiyooniin in jajjabeessa, akkasumas Israa’elin walitti in qaba—Warri furaman gammachuu guddaadhaan marfamanii gara Xiyooniin in dhufu—Isaayaas 51 fi 52:1–2 wajjin waliin madaali. Naannoo bara 559–545 Dh.K.D.
Boqonnaa 9
Yihudoonni biyyoota abdii isaanii hundumaatti akka walitti qabaman Yaaqoob in ibse—Gatiin kaffaltii cubbuu nama Kufaatii irraa in fure—Qaamni warra du’anii awwaala keessaa, akkasumas hafuurri isaaniis si’oolii fi jannata keessaa ni baafama—Isaaniittis ni faradama—Gatiin kaffaltii cubbuu du’a irraa, si’ool irraa, seexanaa fi gidiraa dhuma hin qabne irraa in oolcha—Warri qajeeloonni mootummaa Waaqayyoo keessatti ni fayyu—Adabbiin cubbuu ni dhiyaaata—Qulqulluu kan Israa’el eegduu karrichaati. Naannoo bara 559–545 Dh.K.D.
Boqonnaa 10
Yaaqoob warri Yihudootaa Waaqa isaanii akka fannisan in ibse—Isaan hamma isatti amanuu jalqabanitti isaan ni faffaca’u—Ameerikaan biyya birmaduu mootiin kam iyyuu hin bulchine ni taati—Waaqayyotti ofii keessan araarsaa akkasumas ayyaana isaa keessaan fayyina argadhaa. Naannoo bara 559–545 Dh.K.D.
Boqonnaa 11
Yaaqoob Furee isaa in arge—Seerri Musee fakkeenyota dhufaatii Kiristoosiin kan agarsiisanii fi akka inni dhufus kan mirkaneessaniidha. Naannoo bara 559–545 Dh.K.D.
Boqonnaa 12
Isaayaas mana qulqullummaa guyyaa boodaa, walitti qabamuu warra Israa’el, akkasumas firdii bar-kumee fi nagaa in arge—Warri of tuulanii fi warri jal’oonni yeroo Dhufaatii isa Lammaffaa irratti in xiqqeeffamu—Isaayaas 2 wajjin waliin madaali. Naannoo bara 559–545 Dh.K.D.
Boqonnaa 13
Warri Yihudaa fi warri Yerusaalem sababa aboomamuu diduu isaaniitiif in adabamu—Gooftichi saba Isaatiif in kadhata, akkasumas isaanitti in farada—Intaloonni Xiyoon sababii biyya lafaa jaal’ataniif isaan in abaaramu, akkasumas in dhiphatu—Isaayaas 3 wajjin waliin madaali. Naannoo bara 559–545 Dh.K.D.
Boqonnaa 14
Bara barkumeetti, Xiyoonii fi intaloonni ishee in fayyu, akkasumas in qulqullaa’u—Isaayaas 4 wajjin waliin madaali. Naannoo bara 559–545 Dh.K.D.
Boqonnaa 15
Iddoon dhaabaa wayinii (Israa’el) Gooftaa in ona, akkasumas sabni isaas in faffaca’u—Rakkinni warra gatamanii faffaca’an irratti in dhufa—Gooftichi faajjii ol in kaasa, akkasumas warra Israa’eliin walitti in qaba—Isaayaas 5 wajjin waliin madaali. Naannoo bara 559–545 Dh.K.D.
Boqonnaa 16
Isaayaas Goofticha in arga—Cubbuuwwan Isaayaasis in dhiifameef—Inni raajii dubbachuuf waamameera—Inni warri Yihuudotaa barsiisa Kiristoosiin akka didan raajiiwwan in dubbate—Warri hafanis in deebi’u—Isaayyaas 6 wajjin waliin madaali. Naannoo bara 559–545 Dh.K.D.
Boqonnaa 17
Efreemii fi Sooriyaan Yihudaa irratti lola in labsan—Kiristoos durba irraa in dhalata—Isaayaas 7 wajjin waliin madaali. Naannoo bara 559–545 Dh.K.D.
Boqonnaa 18
Kiristoos akka dhagaa gufannaa fi kattaa isa nama kuffisuu in ta’a—Gooftaa malee, warra ekeraa dubbisan hin barbaadinaa—qajeelfama argachuuf gara dhugabaatii seerichaa fi gara dhugaa ba’umsaatti deebi’aa—Isaayaas 8 wajjin waliin madaali. Naannoo bara 559–545 Dh.K.D.
Boqonnaa 19
Isaayaas waa’ee Masihii in dubbata—Sabni dukkana keessa jiran ifa guddaa isaa in argu—Ilmi nuuf dhalateera—Innis Angafa Nagaa in ta’a, akkasumas teessoo Daawwit irrattis in mo’a—Isaayaas 9 wajjin waliin madaali. Naannoo bara 559–545 Dh.K.D.
Boqonnaa 20
Badiisni Asoor fakkeenya badiisa jal’ootaa isa yeroo Dhufaatii isa Lammaffaati—Gooftaan deebi’ee erga dhufee booda namoonni muraasni in hafu—Hafteen Yaaqoob guyyaa sanatti in deebi’u—Isaayaas 10 wajjin waliin madaali. Naannoo bara 559–545 Dh.K.D.
Boqonnaa 21
Hiddi Iseeyi (Kiristoos) qajeelummaadhaan in farada—Beekumsi waa’ee Waaqayyoo bar-kumeetti biyya lafaa in haguuga—Gooftaan faajjii ol kaasee, akkasumas Israa’eliin walitti in qaba—Isaayaas 11 wajjin waliin madaali. Naannoo bara 559–545 Dh.K.D.
Boqonnaa 22
Guyyaa bar-kumeetti namoonni hundinuu Gooftaa in jajatu—Inni isaan gidduu in jiraata—Isaayaas 12 wajjin waliin madaali. Naannoo bara 559–545 Dh.K.D.
Boqonnaa 23
Badiisni Baabiloon fakkeenya badiisa Dhufaatii isa Lammaffaati—Guyyaa dheekkamsaa fi ijaa ba’uu in ta’a—Baabilon (biyyi lafaa) bara baraan in kufti—Isaayaas 13 wajjin waliin madaali. Naannoo bara 559–545 Dh.K.D.
Boqonnaa 24
Israa’el walitti in qabamti, akkasumas boqonnaa waggoota kumaatti in gammaddi—Luusifer sababii lola kaaseef waaqa irraa gadi darbatamee ture—Israa’el Baabilon (biyya lafaa) irratti in injifatti—Isaayaas 14 wajjin waliin madaali. Naannoo bara 559–545 Dh.K.D.
Boqonnaa 25
Nefiin ifatti in gammada—Raajiiwwan Isaayaas bara dhumaatti in hubatamu—Yihuudonni Baabilon irraa in deebi’u, Masiihichas in fannisu, akkasumas in faffaca’u, akkasumas in rukutamus—Isaan yeroo Masihichatti amananitti iddoo isaaniitti in deebifamu—Lehiin Yerusaalem keessaa erga ba’ee waggoota dhibba ja’aan booda yeroo jalqabaaf inni in dhufa—Warri Nefii seera Musee in eegu, akkasumas Qulqulluu kan Israa’eliin isa ta’e, Kiristoosittiin amanu. Naannoo bara 559–545 Dh.K.D.
Boqonnaa 26
Kiristoos warra Nefii in tajaajila—Nefiin badiisa saba isaa duraan dursee in arge—Isaan lafa keessaa in dubbatu—Warri Ormoonni waldoota sobaa fi marii dhoksaa in ijaaru—Gooftaan namoonni hojii lubummaa keessaan hamaa akka hin hojjenne in dhoorka. Naannoo bara 559–545 Dh.K.D.
Boqonnaa 27
Dukkanni fi gantummaan guyyoota dhumaa keessatti biyya lafaa in haguuga—Macaafni Mormoon as in ba’a—Dhuga baatonni sadii waa’ee macaafichaa dhugaa in ba’u—Namni barate macaafichi chaappaadhaan waan cufamuuf dubbisuun hin danda’amu in jedha—Gooftaan hojii ajaa’ibsiisaa fi waan dinqisiisaa in hojjeta—Isaayaas 29 wajjin waliin madaali. Naannoo bara 559–545 Dh.K.D.
Boqonnaa 28
Waldoonni sobaa baay’een baroota dhumaatti in ijaaramu—Isaan barsiisa sobaa, kan waa’ee hin baafne, akkasumas gowwummaa in barsiisu—Gantummaan sababa barsiisota sobaatiin in baay’ata—Daabiloos dheekkamsa garaa namootaa keessa in kaa’a—Inni barumsa sobaa gosa hundumaa in barsiisa. Naannoo bara 559–545 Dh.K.D.
Boqonnaa 29
Warri Ormoonni baay’een Macaafa Mormooniin hin fudhatan—Isaan Macaafni Qulqulluun kan biraan nu hin barbaachisu, in jedhu—Gooftaan saboota baay’eetti in dubbata—Inni waantota macaaficha keessatti barreeffamaniin biyya lafaatti in farada. Naannoo bara 559–545 Dh.K.D.
Boqonnaa 30
Warri Ormoonni jijjiiraman saba kakuu warra ta’anii wajjin in lakkaa’amu—Warri Laamaanii b fi warri Yihuudotaa baay’een dubbicha in amanu, akkasumas warra nama gammachiisan in ta’u—Israa’el deebitee iddoo isheetti in deebiti, akkasumas warri jal’oonnis in balleeffamu. Naannoo bara 559–545 Dh.K.D.
Boqonnaa 31
Nefiin Kiristoos maaliif akka cuuphamee ture in hime—Namoonni fayyuudhaaf Kiristoosiin duukaa bu’uu, cuuphamuun, Hafuura Qulqulluu fudhachuun, akkasumas hamma dhumaatti dhaabbachuu qabu—Yaada garaa geeddarachuufi cuuphamuun karaa karra isa dhiphaa fi qal’aatiin ol galumsaati—Jireenyi bara baraa warra cuuphaa booda abboommota eeganiif in dhufa. Naannoo bara 559–545 Dh.K.D.
Boqonnaa 32
Ergamoonni humna Hafuura Qulqulluutiin dubbatu—Namoonni kadhannaadhaan Hafuura Qulqulluu irraa ofii isaaniitiif beekumsa argachuu qabu. Naannoo bara 559–545 Dh.K.D.
Boqonnaa 33
Dubbiiwwan Nefii dhugaadha—Isaan waa’ee Kiristoosiin dhugaa ba’u—Warri Kiristoositti amanan dubbii Nefii isa teessoo firdii duratti dhuga-baatuu ta’ee isa dhaabbatutti in amanu. Naannoo bara 559–545 Dh.K.D.